تحدث الفنان أحمد فهمي عن أسباب تعرض مسلسل “رجالة البيت” لحملات إلكترونية لاسقاطه، موضحًا أن السبب في ذلك هو فنان مشهور رفض المشاركة معه في عمل فني بسبب عدم حبه لطريقة تمثيله.
وقال أحمد فهمي خلال حديثه: واحنا عارفين اسمين ورا الحملة لكن أكرم عرف اسم ثالث، وكنت مستغرب لإنه صاحب أكرم ومفيش مشاكل بيني وبينه، وهو بيعمل كدة مع ناس كتير مش أنا بس.
وأضاف: “مش كل الناس عندها ذوق يعني فيه ناس ممكن تتفرج على فيديو ومش عارف يقول حلو ولا لا فبيكون مستني حد يقوله وبيكونوا محتاجين شرارة فبتطلع تريند”.
وتابع: “أنا عندي تيم سوشيال ميديا بس عمري ما هعمل حملة على حد ولا أزايد إني مسلسلي مكسر الدنيا، السوشيال ميديا حولت كل حاجة لحاجة مش ملموسة وفيك جدا وكلها تدليس، ما تقول انك حلو بس مش رقم واحد والحياة مبقاش ليها طعم زي الأول كان كل حاجة ليها قيمة”.
واختتم أحمد فهمي حديثه، قائلًا: “بهتم بحكم الجمهور لأنه في الأخر هو اللي بيشتريلك البيت، لازم نفرق بين جمهور السوشيال ميديا والجمهور الحقيقي لازم تعمل حاجة مبتذلة وطالما عامل اللي عليك بتنام مرتاح”.