علق الفنان أحمد عيد على تصريحات له قديمة منذ 5 سنوات، صرح بها أثناء عرض فيلم ياباني اصلي، موضحاً أن التصريحات ليست كاملة، وجاء ذلك من خلال صفحته الرسمية بموقع التواصل الاجتماعي “فيس بوك”.
أحمد عيد عن تصريحاته منذ 5 سنوات
وكتب قائلاً: “أنا مش بحب أعلق على الحاجات اللي من النوع دا بس عشان بشوف البوست دا كتير، أولاً الكلام دا من 5 سنين في عرض فيلم ياباني اصلي وكان رد علي سؤال انت غايب ليه ومبنشوفكش كتير فكان ردي في سياق معين والجملة مش كاملة ومش مقصود بيها التأكيد ان محدش بيشغلني لأنها مينفعش تتقال بالشكل ده”.
وأضاف قائلاً :”غير كدة إن أنا في الحقيقة مبشتغلش أي حاجه ومش فارق معايا تواجدي بشكل دائم عمال على بطال، أنا هشتغل الحاجات اللي أنا مقتنع بيها وشايفها مناسبة ليا، معلش انا بس حبيت اقول الكلمتين دول وليلتكم سعيدة ويارب منشوفش البوست ده تاني “.