حالة من الجدل أثارها الفنان أحمد عزمي بعد ظهوره يدخن الشيشة في برنامج تليفزيوني مع الإعلامي نزار الفارس .
وكشف أحمد عزمي خلال تصريحاته الخاصة لـ «أوان مصر» الإخباري كواليس تدخينه الشيشة على الهوا، حيث قال: «النوضوع ابسط واتفه من كل اللي حصل عليه، دا برنامج عراقي وقررنا أنا ونزار نعمل فكرة الحلقة أن شاب عراقي أنا بقوده في زيارة للأهرامات».
وتابع، موضحًا: «كنا قاعدين في الهرم وفي زوايا بتظهر الهرم في الخلفية.. ف بيظهر كأننا قعدين في كافيه وبنلعب طاولة، فالفكرة أن الشيشة اللي في شباب كتير بتشربها سواء هنا في مصر أو العراق أنا بمجرد ما اتعرض عليا الفكرة حبيت اشارك فيها».
وأضاف: «أنا بشرب شيشة وشربت شيشة في أعمال ليا كتير، ولما أكون في خيمة رمضانية ممكن أشربها، في لما عرضوا عليا أشرب رحبت على أساس أن بنلعب طاولة زي أي شاب مصري قاعد على قهوة مع شاب عربي وبيهزروا».
واختتم أحمد عزمي حديثه: «هي دي القصة كلها وأنا مكنتش شايف الموضوع يستاهل كل اللي اتعمل عليه بشكل الكبير دا » .