كشف الفنان أحمد العوضي خلال الجزء الثاني من حلقة ياسمين عبد العزيز مع منى الشاذلي، شعوره عندما كتب البوست لـ زوجته وطلب الدعاء لها، وأوضح انه وقتها كان يشعور بالضعف الشديد.
أحمد العوضي عن أزمة ياسمين عبد العزيز
وصرح أثناء حواره مع الإعلامية منى الشاذلي ببرنامج “معكم” الذي يعرض عبر قناة سي بي سي الفضائية من الاربعاء إلى الجمعة في تمام الساعة 9 مساءً قائلاً: “الضعف ربنا خلقه في اي بني ادم ومفيش ضعف هجيلك اكتر من انك تشوف شريك حياتك بيضيع وانا كنت محطم حقيقي”.
وتابع قائلاً: “ومش عايز اشوف البوست تاني ولما بشوفه جسمي بيقشعر جدا ومش عايز افتكر، وهقولك كنت حاسس باية وانا بكتب البوست ده، هي كانت داخلة العملية الدكاترة كانت رايحة جاية وقالولي 3 ساعات وهتطلع ومضيت على الاقرار بتاع المستشفى والدكتور عصام شلباية طلع وقالي لو عدى انهاردة وبكرة يبقى الحمدلله،وانا لجأت للناس عشان لا يرد القدر الا الدعاء فعشان كده كتبت البوست”.