علق الفنان أحمد آدم على شائعة حبه من طرف واحد من فنانة مشهورة، عملت معه قديمًا في عرض مسرحي، موضحًا أنه لم يدخل في علاقة منذ صغره من طرف واحد.
وقال أحمد آدم، خلال لقائه في برنامج حبر سري الذي تقدمه الاعلامية اسما إبراهيم على شاشة قناة القاهرة والناس: «آه كنت في علاقة مع فنانة اشتغلت معاها مسرح، ومكنش من طرف واحد، الست لما بتحب راجل بتعرف تجيبه».
وتابع: «ومكنش فيه حكاية جواز هو كل حب لازم يحصل فيه جواز، الجواز بيموت الحب، ياما الحب من غير أمل أسمى معاني الغرام، ولا هي طلبت جواز ولا أنا عرضت عليها جواز ولا كنا نعرف بعض عشان نتجوز، بنستريح للكلام مع بعضينا، كان حب مش من طرف واحد، ميتقاليش أنا كلام زي ده، أنا ممكن أحب واحدة وهي ولا تعرف، مينفعش أبان إن أنا بجري، ومعملتهاش ولا مرة من وأنا طفل».