حل الفنان أمير كرارة ضيفًا على برنامج حبر سري، وتحدث عن حقيقة أجره الذي يبلغ الـ 55 مليون جنيه في العمل الواحد.
وقال كرارة: «أنا معرفش الأجور ومين بياخد ايه، والسينما دلوقتي اختلفت وكبرت ومنى زكي عاملة فيلم وعاملة إيرادات واعتقد واخدة فلوس كويسة، وبحدد اجري على أساسي انا مش حد تاني».
وأضاف كرارة خلال تصريحاته في حبر سري: «ومعرفش مين النجم الأعلى أجرا، في صفحات بتنزل تعرف على أجور النجوم وبخش اشوف انا باخد كام وبيبقى كلام مش حقيقي والناس بتحس أن في حاجة مش صح والناس لما بتصدق، وبيتقال أن أجري 55 مليون جنيه وده كلام مش صح، وبلاقي ناس بتكتب إني باخد أرقام كبيرة جدا وأنا مش باخد نص اللي بيتكتب على السوشيال ميديا».
مواعيد عرض برنامج حبر سري
برنامج حبر سري يذاع على قناة القاهرة والناس يوميا في السادسة مساء من تقديم الإعلامية أسما إبراهيم وإخراج ميلاد أبي رعد.