آنسات منتخب مصر للكرة الطائرة الشاطئية / نشبت أزمة بين المنتخب الوطني للسيدات و بين اللجنة الطيبة للتصفيات الأفريقية المؤهلة لـ أولمبياد طوكيو 2020 المقامة بدولة المغرب.
آنسات منتخب مصر للكرة الشاطئية يهددن بالاستبعاد خارج أولمبياد طوكيو
وقالت دعاء الغوباشي، لاعبة آنسات منتخب مصر للكرة الطائرة الشاطئية ، عبر صفحتها الرسمية على موقع التواصل الإجتماعي “فيسبوك”:بكل هدوء إحنا لاعيبه حلمنا من ٢٠١٦ نتأهل أولمبياد وبقالنا ٥ سنين بنتمرن عشان البطولة دي تيجي البطولة وتكون في المغرب اللي هي البلد المنافس أصلا عملنا مسحة قبل ما نسافر طلعت سلبي وماسحه اول ما وصلنا وبرضه طلعت سلبي وقايلين كلهم إن أغادير مفهاش كورورنا وأنهم بيعملو كده عشان يحافظو علي البلد”.
وتابعت دعاء الغوباشي،:” أول ما وصلنا اتعمل مسحة وفضلنا ٣ أيام في الأوض عشان النتيجة تطلع ومرضوش يخرجونا من الاوضه غير اما النتيجه تطلع وطلعت سلبي الحمد لله”.
أزمة منتخب مصر للكرة الطائرة
وأكملت لاعبة المنتخب الوطني،:”من ٣ أيام فجأة قالو كله ينزل يعمل مسحه مع أنهم أصلا مكنوش قايلين إن في مسحة هتتعمل تاني عشان المفروض إننا في فقاعه في فندق فيه ١٠٠ الف شخص ونصهم سياح بره البطوله”.
وأستطردت:”إمبارح الساعه ١١ بليل، قالو مصر متخرجش بره الأوض، عندهم حالة إزاي وإمتى وكلنا كويسين قلنالهم مين قالو مدرب فرقه الرجال
طب هنعمل ايه يا جماعة قالو هنلعب لحد ما اللجنه الطبيه تاخد قرار ماتشنا إنهارده الساعه ٩ الصبح طبعا نمنا كلنا اللاعيبه بعد ما إتأكدنا اننا هنلعب بعد توتر وعياط وصويت”.
وأضافت :”فجأة نصحى، على رسالة الساعة ٣:٣٠ متخرجوش من الاوض، إنتو بره البطولة، يرضي مين ده يا عالم يرضي مين”.
وأوضحت:”دي لعبه وإحنا متأكدين منها المدرب سليم، ومع العلم ممنوع حتى نجيب حد يعملنا مسحات تانية، ولا حتى فكروا يعيدو المسحة ولا أصلا شوفنا ورق المدرب الي بيقولوا انه إيجابي”.
وأشارت :”إحنا ماتشنا الساعه ٩ الصبح، يعني كام ساعه ماتش مضمون نكسبه، و نكون في النهائي إحنا مخالطين جميع اللعيب،ة ومخالطين فرقه المغرب والفرق اللي لعبناها والحكام والناس اللي في المدرجات، و هما منظمين احنا مخالطين رئيسه الاتحاد الأفريقي اللي هي رئيسه اتحاد المغرب أصلا يعني لو في فعلا حق يبقي المنتخبات كلها يتعملها مسحة اشمعنا مصر، هي اللي إيجابي ولو إيجابي هتبقى إيجابي من مين من نفسها يعني”.
واختتمت دعاء:”حد يلحقنا والنبي احنا حلمنا فجاه بقي تراب ومش عارفين نعمل حاجه يارب انت حسبي ونعم الوكيل”.
مشوار منتخب مصر للكرة الطائرة سيدات في البطولة
وقد تأهلت نسات مصر للكرة الطائرة الشاطئية إلى نصف نهائي التصفيات الإفريقية المؤهلة لأوليمبياد طوكيو 2020 بعد الفوز على منتخب رواندا في دور ربع النهائي .
ويمثل آنسات مصر في التصفيات كلا من دعاء الغباشي وفريدة العسقلاني ويمثلان مصر 1، والثنائي رندا رضوان وندى حمدي ويمثلان مصر 2.