ردت الدكتورة آمنة نصير، أستاذ العقيدة بجامعة الأزهر، على تصريحات المحامية نهاد أبو القمصان التي أثارت الجدل خلال الأيام الماضية: «عيب، الكلمة دي عيب، دي صفة ربنا أوضعها في الأم علشان تخلي الابن عنده مناعة، أنتوا قاعدين تفاصلوا فيها ليه، يعني فيه تأليف في كلام فيه سخف، مينفعش أرد عليه».
مضيفة خلال تصريحاتها الصحفية الخاصة لـ موقع «أوان مصر» الإخباري: «يقولون الأم ليست ملزمة بإرضاع طفلها، أمال من اللي يرضعه، أديه لحمار يرضعه، رضاعة الأم لطفلها أجمل لحظة في الدنيا وبتكون الأم في قمة السعادة، ليه بتقربوا على المقدسات في حياة المدي فطرة ربنا وضعها في الأم وهي مبسوطة وهي بتأديه، احنا ايه اللي يحشرنا أنها ترضع ولا متضرعش، والإلزام والغير الإلزام دي حاجة بالتفاهم ما بين الزوج والزوجة، مش في الإعلام والإعلام هو اللي مخلي الأمور متعقدة كدة».
نهاد أبو القمصان: الست مش مجبورة ترضع أولادها
على صعيد آخر قد أثارت المحامية الشهيرة نهاد أبو القمصان، جدلاً واسعاً بعد تصريحاتها الأخيرة خلال منشور كتبته عبر حسابها الخاص بموقع التواصل الاجتماعي «فيسبوك».
حيث قالت: «الجواز مبنى على المودة والرحمة والشراكة والأمان والصبر على الآخر، مضيفة: لما حد يرهب مراته ويقولها هتجوز عليكى ودا حقى خلاص شوف حقوقها هى كمان».
وأضافت أبو القمصان: «اللى هيستخدم القرآن وبيقول حقى، كمان يدفع اللى عليه و علشان الناس يكونو شركاء فى مودة ورحمة مش تهديد وإرهاب نفسى وإنعدام أمان ..فهمتوا».
وتابعت: «احنا بقى لما نتكلم فى حقوق البنات والسيدات في الدستور والقانون يقولوا فيمنست ودا طبعا فخر مش عيب، ولما نتكلم بالقرآن يقولو بس الظروف الحالية اتغيرت، طيب هى الظروف ما تغيرتش لمثنى وثلاث ورباع».
واستكملت المحامية نهاد أبو القمصان: «اللى عايز يثنى ويثلث يدفع اللى عليه، ونبدأ بأجر الرضاعة، وأظن الكل عارف أن الرسول عليه الصلاة والسلام أمه لم ترضعه وكان ليه مرضعة، وياريت ما اسمعش معارضة لكلام ربنا.. اسغفر الله العظيم».
و أضافت أبو القمصان: «كمان تفسير الائمة الشافعى وابن حنبل وابو حنيفة، لأن الستات بتعرف تقرا القرآن كمان وتشوف ليها أيه وعليها إيه».