بثت الراقصة دينا مقطع فيديو عبر حسابها بموقع “إنمستجرام” تحدثت فيه عن كواليس إصابتها بفيروس كورونا، خلال الأيام الماضية.
وظهرت دينا في مقطع الفيديو من منزلها وتنحدثت باكية قائلة: “وحشنى كل حاجة، وحشنى أمشى في الشارع، وحشنى السوبر ماركت، وكل حاجة وحشتنى جدًا، أنا مش من عادتى اطلع لايف كتير، ولكن لاقيت الناس عمالة تتكلم أنا روحت مستشفى ولا عملت إيه”.
وأكملت: “اكتشفت أن النتيجة كانت سلبية، وطبعًا ده فضل ربنا عليه أنى قمت بالسلامة، أدعولى أقوم بصحة أحسن، لأن الخناقة مع الفيروس ده مش تمام، وفيروس صعب وسخيف جدًا، وبتمنالكوا كل الخير ومحدش يجيله كورونا، وخلوا بالكوا من نفسكوا جداً”.
دينا الراقصة تطمئن متابعيها بعد نتيجة المسحة: «الحمد لله»
View this post on Instagram
وتابعت: “الإصابة والمرض رزق وراضية بيه، وزى ما بنرضى بالحاجات الكويسة، لابد نرضى باللى مش كويس، واتعلمت من التجربة دى إن في حاجات كتير الواخد بياخدها اه مسلم بيها، ولكنها نعم كبيرة، مجرد النزول والمشى في الشارع نعمة مش حاسين بيها”.
وختمت: “شكرًا لكل الدعم اللى خدته، ولولا أصحابى وأهلى، ما كنىش خدت الدفعة الجامدة جدًا، اللى وصلتلها، لأن الكلام ده قومنى من اللى أنا فيه، وأول حد بشكره أمى، اللى ما رضيتش تسيبنى ولا تسيب البيت، وفضلت قاعدة معايا طول الوقت، أنا اللى كنت خايفة عليها وهى ما كنتش خايفة”.