نيفين يوسف
«حمايا بيقولي إشربي حشيش معايا يا جميل».. بهذة الكلمات رفعت ربة منزل تدعى «هالة» صاحبة الـ 32 عامًا، دعوى خلع ضد زوجها «مدحت» صاحب الـ40 عامًا، أمام محكمة الأسرة مصر الجديدة.
متجوزة بقالي 7 سنوات
روت الزوجة لـ «أوان مصر»: «متجوزة بقالي 7 سنوات، جواز صالونات، تم الزفات بعد 5 شهور من الخطوبة، عندي تؤام، جوزي بيسمع كلام والدته، كل يوم ننزل نتغدا ونفطر معاهم في ، من ساعات متجوزت ولا يوم أكل أنا زوجي في الشقة لوحدنا، وعمري مانزلت السوق أشتري إي حاجة للبيت، والدته بتجيب الأكل وتقولي أطبخي أنتي وملكيش دعوة بحاجة تاني، ولو قولتله اتصرف معاهم بيقعد يضرب فيا ويشتمني».
حمايا بيقولي أشربى حشيش معايا
وأكملت«هالة» : «وفي يوم كنت في المطبخ بعمل الأكل زي كل مرة، لقيت حمايا داخل عليا المطبخ وبيقولى صباح الخير يا جميل، فستغربت من طريقة كلامه وفجأت أنه يعرض عليا أشرب حشيش معه روحت عملت هبلة، وقولت أنا عمري ماشربت عشان خوفت أعمل مشكلة وساعتها محدش هيصدقني هيقولوا عليا مجنونة، أنا مصدقتش أنه يجي يعرض عليا كدة أنا أتفأجت من تصرفاته ومجاش في بالي أنه يعمل كدة ده أنا زي بنته».
وأختمت «الزوجة» : جيت قولت كدة لزوجي وحكتله على اللي حصل عشان مش أول مرة يعمل معايا كدة، زعقلي وضربني قائلا« أنتى مجنونه ولا اية»، وقالي لو قولت لـ أهلي مش هخلي حد يعرفلك طريق، وهدفنك بالحي، أنا خوفت منهم ومعرفتش أعمل ايه، فلجأت إلي محكمة الأسرة مصر الجديدة لرفع دعوى خلع ضده».