كتبت_ زينة شريف
قام الفنان حمادة هلال , بمشاركة جمهورة صورة قديمة من ألبوم ذكرياته , مع الفنان هيثم أحمد زكي , و ذلك على موقع التواصل الاجتماعي ” انستجرام” , و كتب في تعليقه على الصورة “الله يرحمك ويحسن إليك وتكون دلوقتى مع كل الحبايب الطيبين.. يارب ارحم أمى رحمه كبيرة.. وارحم كل إنسان فارق الدنيا اللهم إنك أرحم الراحمين”.
و في وقت سابق صرح الفنان حمادة هلال خلال لقاء أجراه منتصف شهر أكتوبر الجارى مع “واحد من الناس” تقديم الإعلامى عمرو الليثى المذاع على قناة الحياة، بعد ان انهار الفنان بالبكاء عقب سؤاله عن والدته وقصة مرضها، حيث قال، “الله يرحمها عاشت حياة صعبة أوى وكانت ضهر أبوية فى كل حاجة، وكانت مممكن متاكلش عشان احنا نتعلم وعلمتنى ازاى أحافظ على النعمة وأزاى أحب أخواتى وأحافظ عليهم”.
وأضاف “أمى فضل عندها مرض السرطان 3 سنين ومكنتش تعرف لأنى محبتش أعرفها، وده اكتشفناه لما قالتلى صدرها واجعها ولما روحنا للدكتور فقالى أن عندها “سرطان” وطلب نعمل تحاليل وللأسف لقينا السرطان فى كل جسمها”.
وتابع “طلبت من كل اللى موجودين فى المركز إن يفهموها إنها بتتعالج من هشاشة عظام بسيطة وإن كل اللى بتاخده فيتامينات، ولما قالى هاندى كيماوى ولكن رفضت وقلتله شوف البديل فقالى الهرمونات والأدوية الذكية، وفعلا بتروح تاخد العلاج وتقولى أنا حاسة إنى تعبانة فكنت بفهمها أن ده لازم عشان الأدوية”.
واستكمل “بعدها بشهرين والدتى تعبت تانى والدكتور قالى أنا مضطر أديها كيماوى ولما حصل لقيت شعرها بيقع فقعدت أفكر فى أى فكرة وفهمتها ان دى صبغة حطيناها بس وقعت شعرها وصدقتنى لأنها كانت بتصدقنى فى أى حاجة، وأنا مكنتش بكذب عليها ولكن عشان كان نفسى تقعد معايا أطول وقت ممكن”.
وتابع “ربنا متعبهاش فى آخر لحظات حياتها ولكنها دخلت فى فترة غيبوبة وتحس إنها زى أكنها بقت طفلة ومش بتاكل غير فاكهة ومش حاسة بطعم أى حاجة، وكنا خايفين نوديها المستشفى بسبب الكورونا وبعد فترة روحنا المركز الطبى العالمى، ولكن جالى إحساس إن هى خلاص ماشية وروحت كلمت حد قلتله هاتلى كفن وأخواتى ومراتى استغربوا جدا”.
وأشار إلى أنه “حدثت مشادة بينه وبين ممرضة كانت رافضة دخوله على والدته إلا أنه أخبرها بأنه يريد توديع أمه، وبعد جلوسه مع والدته روى لها الكثير من الحكايات والذكريات، وبعد ذهابه للمنزل تلقى هاتف يخبره بالوفاة”.
أقرأ أيضاً :
بعد غياب 4 أعوام.. ليلى علوي بين السما و الأرض
تعرف على ابن السويس عبداللطيف مبارك.. في ذكرى ميلاده
