كشف الفنان يحيى الفخراني، كواليس مشهد صفع الفنان محموود عبد العزيز بفيلم “إعدام ميت”، مؤكدًا على أن الفنان الراحل انهار من البكاء بعد انتهاء تصوير المشهد.
وقال الفخراني خلال حواره مع الإعلامية إسعاد يونس ببرنامجها “صاحبة السعادة”: “محمود عبد العزيز الله يرحمه لما ضربته قلم جامد جدا وطلبت من المخرج يغير الزاوية موافقش وقولت لمحمود استحمل انا هضربك بجد لا لو معملتش كده هيبان انه فيك وبعد ما اخلصنا المشهد انهار من العياط”، لترد عليه إسعاد: “الله يرحمه كان طفل أوي”.
وأردف: “دور اليهودي اللي عملته اتعرض ع فنانين كتير ورفضوا رفضوا يعملوا دور يهودي بس انا حبيت الدور جدا جدا وحبيت اعمله بالشكل ده في حاجة كمان حصلت”.
وتابع: “احنا صورنا في اماكن حقيقية في مقر المخابرات الاسرئيلية بعد اليهود ما مشيوا”.
يحيى الفخراني عن فيلم “الكيف”: محمود عبد العزيز كان عاوز دور الدكتور وأنا رفضت
أوضح الفنان يحيى الفخراني، تفاصيل مشاركته في فيلم “الكيف”، مشيرًا إلى ان الفنان محمود عبد العزيز كان يريد أن يجسد دور الدكتور بدلًا من المزاجنجي لكنه رفض.
وقال الفخراني خلال حواره مع الإعلامية إسعاد يونس، ببرنامجها “صاحبة السعادة”: “لما اتعرض عليا فيلم الكيف وقالولي المرة دي الموضوع هيكون مختلف وهيشترك معاك في البطولة حد تاني، وقتها بقى جابوا محمود عبد العزيز، بس انا اتعرض عليا الورق الاول واختارت دور الدكتور واديت لمحمود الدور التاني بس محمود وقتها قالي انت بتختار لنفسك احسن دور، ولما اقرى الورق قالي وحياة ابوك لتدهولي بس انا قولتلو لأ الدور ده هيبقى ألذ عليك وهتقدمه بشكل مختلف”.
وأضاف: “عشان اعمل الدور لفيت على مصحات واقسام ومستشفيات كتير اوي عشان اشوف حالات ادام عنيه، ووقتها قالولي فيه واحدة جاية بالطيار ببتعالج من الادمان وتشوف المنظر على طبيعته فروحت ولقيت مشهد فظيع جدا بالريالة والتشجنات، ووقتها عملت بروفة على المشهد قبل ما اصورو عشان كنت عاوز اعمل المشهد مرة واحدة”.
وتابع يحيى الفخراني: “وبالفعل عملته كما لو انسان مدمن بالظبط، ووقتها كان فيه حاجة مش مظبوطة في المعدات فوقفوا التصوير، وحاولوا أني اعيد المشهد تاني زي ما عملته بس مفيش مش راضي يطلع، فأجلنا التصوير لتاني يوم ووقتها عملتوا صح”.