كشف الفنان يحيى الفخراني، تفاصيل تجربته في فيلم “آه يا ليل يا زمن”، مع النجم رشدي أباظة، والفنانة وردة الجزائرية، موضحًا كيف بدأت صداقته بدنجوان السينما المصرية.
وقال الفخراني لميس خلال لقاءه مع الإعلامية إسعاد يونس، ببرنامجها “صاحبة السعادة”، المذاع عبر فضائية DMC: “بعد ما المخرج اختارني في الفيلم، قالي احنا هنسافر، وحصل وقتها موقف غريب جدًا واحنا مسافرين كازابلانكا، المهم واحنا مسافرين اتفاجئت إنه مش محجوزلى تذكرة درجة أولى، فاعتذرت وقلت مش مسافر، فجريوا ورايا علشان ما يحصلش أي مشكلة في التصوير، وحجزوا ليه زى ما أنا عايز مع بقية فريق العمل”.
وتابع: “وبعدها رجعت معاهم، وقعدت جمب وردة الجزائرية، وقالتلي على فكرة شوفتك وبحبك تمثيلك، لأني وقتها كنت شاركت في كذا عمل فني”.
وواصل: “ولقيت الفنان رشدى أباظة بيقولي أنت يا واد برافو عليك، أنت هايل، ومن وقتها بقينا أصدقاء”.
زوجة يحيى الفخراني تروي تفاصيل أول زيارة لأهله: محدش قرب من البطة
من جانبه، كشفت الدكتورة لميس جابر، زوجة الفنان يحيى الفخراني، تفاصيل أول زيارة لها لأهل الفخراني قبل زواجهما، مؤكدة على منزلته الكبيرة عند أهله بسبب أنه الابن الوحيد.
وقالت لميس خلال حواراها مع الإعلامية إسعاد يونس، ببرنامجها “صاحبة السعادة”، المذاع عبر فضائية DMC: “يحيى الابن الوحيد لاهله ومامته جابته بعد معاناة 7 سنين، وكان حبهم ليه كبير جدا وبخوف، وكان باباه بيجبله كل حاجة، وفي نفس الوقت مكنش مدلع، عشان مامته كانت خايفة انه يدلع، وفي يوم كنت معزومة عندهم في ميت غمر”.
وأضافت: “وفضلت البطة في مكانها، لحد ما باباها قاله ما تقطع ياعم وتديها وتدينا، ووقتها استغربت جدًا، اتارايهم بقة مبيكلوش غير لما يحيى هو الل يبدأ”.