أكد النجم يحيى الفخراني، على أن الفنان نبيل الحلفاوي يعتبر من أقرب أصدقائه داخل الوسط الفني.
وقال الفخراني خلال حواره مع الإعلامية إسعاد يونس، ببرنامجها “صاحبة السعادة: “نبيل الحلفاوي هو أقرب أصدقائي في الوسط الفني، وكمان الله يرحمه أسامة عكاشة قبل ما يموت كان قريب مني جدًا”.
وتابع: “وكنت أنا ومحمود عبد العزيز وأحمد زكي قريبين لبعض جدًا واصحاب، وغلاوتهم ومعزتهم في قلبي كانت متساوية، اما بالنسبة في الفن ولما كنت ضمن لجنة تحكيم إحدى المسابقات فضلت اني ادي الجايزة وقتها لمحمود عن فيلم هرمونيكا، بدلًا من أحمد عن فيلم هستيريا، وده بسبب أنه كان متفوق وقتها في الدور وأحمد بنفسه بردو شاف كده”.
يحيى الفخراني يروى تفاصيل أول مقابلة مع فاتن حمامة في “أرض الأحلام”
وكان قد روى النجم يحيى الفخراني، تفاصيل أول مقابلة له مع الفنانة فاتن حمامة، أثناء تصوير فيلم “أرض الأحلام”، الذي شارك ضمن فريق تمثيله.
وقال الفخراني خلال حواره مع الإعلامية إسعاد يونس، ببرنامجها “صاحبة السعادة”: “فاتن حمام هي اللي اختارتني عشان اشارك معاها في الفيلم، ووقتها قالتلي انها شيفاني عنصر مهم وهيضيف للفيلم، وانا كنت مققر وقتها اني مشتركش في افلام تاني عشان كنت طالع من تجربة وحشة، لكن طبعًا لما لقيت فاتن اختارتني وافقت”.
وأضاف: “اول يوم في التصوير روحت بدري، فانا فاكر اني اول واد، فدخلت لقتهم بيقولولي استاذة فاتن عاوزاك في الكارفان، فروحت قابلتها وكانو عايزني اعمل مكياج وانا كنت رافض، لكن لما شوفتها وكانت اول مرة اقابلها فيها، وقتها وافقت اني اعمل مكياج عشان فرق العمر الكبير ده ميبنش لاني الدور مفروض اني اعاكسها فلو كنت عاكستها وانا صغير هتبقى قلة ادب لكن وانا كبير الموضوع متقبل شوية”.
واستطرد: “تحس ان فاتن حمامة ست هاوية الفن وبتشتغل بحب وتفاني”.