أوضح الفنان يحيى الفخراني، تفاصيل مشاركته في فيلم “الكيف”، مشيرًا إلى ان الفنان محمود عبد العزيز كان يريد أن يجسد دور الدكتور بدلًا من المزاجنجي لكنه رفض.
وقال الفخراني خلال حواره مع الإعلامية إسعاد يونس، ببرنامجها “صاحبة السعادة”: “لما اتعرض عليا فيلم الكيف وقالولي المرة دي الموضوع هيكون مختلف وهيشترك معاك في البطولة حد تاني، وقتها بقى جابوا محمود عبد العزيز، بس انا اتعرض عليا الورق الاول واختارت دور الدكتور واديت لمحمود الدور التاني بس محمود وقتها قالي انت بتختار لنفسك احسن دور، ولما اقرى الورق قالي وحياة ابوك لتدهولي بس انا قولتلو لأ الدور ده هيبقى ألذ عليك وهتقدمه بشكل مختلف”.
وأضاف: “عشان اعمل الدور لفيت على مصحات واقسام ومستشفيات كتير اوي عشان اشوف حالات ادام عنيه، ووقتها قالولي فيه واحدة جاية بالطيار ببتعالج من الادمان وتشوف المنظر على طبيعته فروحت ولقيت مشهد فظيع جدا بالريالة والتشجنات، ووقتها عملت بروفة على المشهد قبل ما اصورو عشان كنت عاوز اعمل المشهد مرة واحدة”.
وتابع يحيى الفخراني: “وبالفعل عملته كما لو انسان مدمن بالظبط، ووقتها كان فيه حاجة مش مظبوطة في المعدات فوقفوا التصوير، وحاولوا أني اعيد المشهد تاني زي ما عملته بس مفيش مش راضي يطلع، فأجلنا التصوير لتاني يوم ووقتها عملتوا صح”.
يحيى الفخراني عن جائزة مهرجان قرطاج: مكنوش عاوزين يدوني الجايزة بسبب فريد شوقي وعادل إمام
أوضح الفنان يحيى الفخراني، أن إداراة مهرجان أيام قرطاج، الذي يقام في تونس، لم تكن ترغب في أن تعطيه جائزة أحسن ممثل عن فيلم “خرج ول يعد”، بسبب صغر مشواره الفني مقارنة بالفنان فريد شوقي، والفنان عادل إمام.
وقال الفخراني خلال لقاءه مع الإعلامية إسعاد يونس، ببرنامجها “صاحبة السعادة: “كنت أول حد مصري أو عربي ياخد جايزة من مهرجان قرطاج، بس وانا مسافر وقتها جالي حصوة واتصلت بالمهرجان وقولتهلم اني مش هقدر اجي النهاردة وروحت المستشفى ونزلولي الحصوة، فكلمت ادارة المهرجان وقولتلهم انا عاوزة اجي المهرجان فقالولي لسه المهرجان بعد بكرة وحجزولي وسافرت ووقتها مكنش على بالي اني اخد جايزة”.
واستطرد: “مكنوش عاوزين يدوني الجايزة وكانو شايفين انها كبيرة عليا، لأن مش حد كبير في المهنة، والأولى فريد شوقي، واني لسه صغير، لكن المخرج شوكراي وفتها أول ما شاف الفيلم قالوهم هو اللي ياخد الجايزة”.