صرح الفنان يحيى الفخراني، بأن فيلم “العار” اتعرض عليه، حتى يشارك ضمن قائمة أبطاله، ولكنه رفض العمل به، موضحًا أن سبب رفضه هو إعجابه بالدور الذي عُرض على الفنان حسين فهمي.
وقال الفخراني خلال حواره مع الإعلامية إسعاد يونس: “انا كنت مرشح لفيلم العار، كنت هعمل دور الدكتور اللي جسده محمود عبد العزيز، لكن رفضته، لأن وقتها لما اتعرض عليا السيناريو مقالوش ليا هعمل انهي دور، فعجبني دور وكيل النيابة اوي، لكن لما قالولي الدكتور، مقدرتش اقول اني عاوز وكيل النيابة خصوصا اني عرفت انهم رشحوا حسين فهمي، ووقتها رشحت للدور محمود وقولتلهم اني مش فاضي وكده”.
يحيى الفخراني عن جائزة مهرجان قرطاج: مكنوش عاوزين يدوني الجايزة بسبب فريد شوقي وعادل إمام
أوضح الفنان يحيى الفخراني، أن إداراة مهرجان أيام قرطاج، الذي يقام في تونس، لم تكن ترغب في أن تعطيه جائزة أحسن ممثل عن فيلم “خرج ول يعد”، بسبب صغر مشواره الفني مقارنة بالفنان فريد شوقي، والفنان عادل إمام.
وقال الفخراني خلال لقاءه مع الإعلامية إسعاد يونس، ببرنامجها “صاحبة السعادة: “كنت أول حد مصري أو عربي ياخد جايزة من مهرجان قرطاج، بس وانا مسافر وقتها جالي حصوة واتصلت بالمهرجان وقولتهلم اني مش هقدر اجي النهاردة وروحت المستشفى ونزلولي الحصوة، فكلمت ادارة المهرجان وقولتلهم انا عاوزة اجي المهرجان فقالولي لسه المهرجان بعد بكرة وحجزولي وسافرت ووقتها مكنش على بالي اني اخد جايزة”.
واستطرد: “مكنوش عاوزين يدوني الجايزة وكانو شايفين انها كبيرة عليا، لأن مش حد كبير في المهنة، والأولى فريد شوقي، واني لسه صغير، لكن المخرج شوكراي وفتها أول ما شاف الفيلم قالوهم هو اللي ياخد الجايزة”.