كشف الفنان يحيى الفخراني، عن سبب رسوبة في مادة التشريح، أثناء دراسته في كلية الطب.
وقال الفخراني خلال حواراها مع الإعلامية إسعاد يونس، ببرنامجها “صاحبة السعادة”: “انا بقرف من الجثث والتشريح، حتى مرة في امتحان مادة التشريح الدكتور قالي امسك الجثة وإلا اسقطك، فأنا قرفت وخرجت من اللجنة، وسبت الامتحان”.
وأضاف: “لميس كانت عكسي تماما، لكن انا كنت بعرف اجيب تقديرات من غير ما اذاكر، حتي قبل الامتحان كنت بنام، لكن لميس مبتنمش نهائي قبل الامتحان”.
زوجة يحيى الفخراني عن تجربتها في التمثيل: كنت بقلد نعيمة وصفي.. ويحيى اتعصب عليا بسببها
أكدت زوجة الفنان يحيى الفخراني، على أنه كان يتمتع بطابع شديد العصبية، خصوصًا عند مشاركته في العروض المسرحية.
وروت زوجة الفخراني، موقف طريفًا حدث معهما، خلال حواراها مع الإعلامية إسعاد يونس، قائلة: “مش يحيى اللي خلاني امثل معاهم في الجامعة، ده كان حد تاني من زمايلنا، ووقتها شاركت معاهم في العرض، وفي ليلة العرض حصل غلطة على المسرح من الممثلين، وهو اتعصب ودخل الكواليس ومكنش عاوز يحيي الناس، وانا دخلتله وقولتلو مينفعش واقنعته وبعدها طلع”.
ليرد عليها الفخراني، قائلًا: “لأ هي بردو عملت حركة انثوية خلتني ملقيش بعدها مفر، كنت لابس جليه وهي قفلتلي الزرار، اهيه التزريرة دي دفعت تمنها 40 سنة”، لتمازحه لميس، معلقة: “لأ 50 حضرتك”.