أوضحت الفنانة ياسمين عبد العزيز، كيف تخطت المحنة التي واجهتها خلال الفترة الماضية، وأشارت ان دعاء يوم عرفة هو الذي نجاها، وكشفت انها خسرت 15 كيلو من وزنها بسبب أزمتها الصحية.
ياسمين عبد العزيز: “يوم عرفة نجاني خسيت 15 كيلو وكنت واحدة تانية”
وصرحت خلال حوارها مع الإعلامية منى الشاذلي ببرنامج “معكم” الذي يعرض عبر قناة “cbc” الفضائية من يوم الاربعاء إلى الجمعة، في تمام الساعة 9 مساءً، قائلة: “كان قبل يوم عرفة احمد نزل بوست على الفيس وصحبتي دخلتلي العناية وقالتلي ياسمين بكرة عرفة وهدعيلك انا لما عرفت ان بكرة عرفة وقولت انا بكرة مش هبقى موجودة وانا معرفش جالي شعور اول مرة يجيلي في حياتي مبتكلمش، مبتحرك، خراطيم في مناخيري وكل حتة في جسمي، خسيت 15 كيلو، وكنت واحدة تانية خالص”.
بث مباشر لحلقة ياسمين عبد العزيز مع منى الشاذلي
وتابعت قائلة: “وقعدت اقولهم خلاص انا مش قادرة والكل قعد يعيط ويقولي ازاي مينفعش تسبينا واحمد قعد يقولي اوعديني انك هتكملي ووالدي قالي هتسبيني لمين ويوم عرفة الناس كلها دعتلي بعد ما الناس دعتلي عايزة اقولك يا منى انا كنت بموت وبعد يوم عرفة بقيت بنادمة تانية وطلعت من العناية دخلت غرفة عادية وبقيت بعرف اتكلم، وانا واحدة كانت بتموت وربنا سخر لي الناس انها تدعيلي وردت فيا الروح”.