قالت الفنانة ياسمين عبد العزيز، أنها دخلت على أحد الأجهزة خلال، أزمتها الصحية الأخيرة، لا يخرج منه أحد على قيد الحياة.
ياسمين عبد العزيز تتحدث عن أزمتها الصحية
وذكرت ياسمين عبد العزيز خلال لقائها ببرنامج “معكم”، الذي تقدمه الإعلامية منى الشاذلي عبر فضائية CBC، قائلة: الجهاز اللي دخلت عليه في العناية يعني مثلا لو 10 بيدخلوا مش بيطلع منه غير 2 أو 3 والدكاترة ديما بيقولوا ادعولها وفي حد قال ان اللي بيدخل على الجهاز ده مبيطلعش.
وواصلت: من وقت العناية المركزة مكنتش فاكرة اي حاجة ، وكنت مبعرفش اتكلم ولا كنت بعرف امشي ولا كنت بتحرك ولا اي حاجة، وصوت صريخي كان جايب اخر المستشفى، وانا في العناية كان في حاجة غريبة اوي مش فاكرة كانوا 4 ايام ولا 5 ومسألتش اوي لان مكنتش عايزة افتكر الايام ديه.
وتابعت ياسمين عبد العزيز: كل لما انام في العناية يجيلي كابوس وكل لما اغمض عيني يجيلي كابوس فمكنتش بنام وقررت ان مش هغمض عيني وكان كابوس غريب اوي وانا عمري ما جالي كوابيس خالص.
بث مباشر لحلقة ياسمين عبد العزيز مع منى الشاذلي
من جانبه لفت فستان ياسمين عبد العزيز، خلال الحلقة الأنظار، حيث أنه كان مزيج بين الأحمر والأسود، مما حاز على اعجاب الكثير من محبي الفنانة.
وحصد لكم موقع “أوان مصر” في السطور التالية سعر فستان ياسمين عبد العزيز مع منى الشاذلي، ببرنامج معكم، وتبين أن الفستان بلغ سعره 2,255 دولار أمريكي مما يساوي 35 الف جنية مصري.