كشفت الفنانة ياسمين صبري عن حياتها فترة الكورونا، أكدت انها كانت تعيش حياتها الطبيعية، وكانت الكورونا والحجر لا يأثرا على حياتها.
ياسمين صبري عن فترة الكورونا
وصرحت خلال لقائها مع أنس بوخش الذي يعرض عبر موقع مشاركة الفيديوهات “يوتيوب” قائلة: “وقت كورونا كان شبه حياتي العادية ماعدا السفر لأني بحب أسافر أوي وأنا بعرف استثمر وقتي”.
وتابعت قائلة: “وأنا خريجة إعلام ولكن ديمًا كان عندي شغف تجاه علم النفس وأول كتاب قرأته كان اسمه The Secret، والموضوع اتطور وقررت أدرس في جامعة هارفرد علم نفس، واخدت 3 كورسات منهم علم النفس الاجتماعي والمرونة النفسية”.
ياسمين صبري: “التمرين حماني من أخطاء كتير.. ومعنديش صحاب”
كما أوضحت انها لا يوجد بجانبها أصدقاء إطلاقاً غير صديقة واحدة فقط، قائلة: “معنديش صحاب كتير ولا شلة ممكن عندي صاحبة واحدة بس، يمكن ده يرجع لتربيني عشان حياتي كلها كانت في التمرين وكنت بضايق وأحس إن ده عذاب بس ده حماني من أخطاء كتير كان ممكن أقع فيها”.
وحرصت على توجيه رسالة غامضة للجمهور قائلة: “مايضيقنيش إن الناس تحصرني في قالب ست جميلة، لأن الشخص ده بيحدد لنفسه النظرة دي وهو اللي محدود مش أنا، وفيه حاجة في الطاقة أحب أعلمها للناس وهو إن أي شيء سلبي وبالأخص لو كان حكم عليك يعتبر فرصة ليك إنك تحوله للشيء اللي أنت عايزه”.