أوضحت الفنانة ياسمين صبري، انها لا يوجد حواليها أصدقاء إطلاقاً غير صديقة واحدة فقط، وذلك خلال حوارها مع أنس بوخش الذي يعرض عبر موقع مشاركة الفيديوهات “يوتيوب” .
ياسمين صبري: “التمرين حماني من أخطاء كتير.. ومعنديش صحاب”
وقالت : “معنديش صحاب كتير ولا شلة ممكن عندي صاحبة واحدة بس، يمكن ده يرجع لتربيني عشان حياتي كلها كانت في التمرين وكنت بضايق وأحس إن ده عذاب بس ده حماني من أخطاء كتير كان ممكن أقع فيها”.
وحرصت على توجيه رسالة غامضة للجمهور قائلة: “مايضيقنيش إن الناس تحصرني في قالب ست جميلة، لأن الشخص ده بيحدد لنفسه النظرة دي وهو اللي محدود مش أنا، وفيه حاجة في الطاقة أحب أعلمها للناس وهو إن أي شيء سلبي وبالأخص لو كان حكم عليك يعتبر فرصة ليك إنك تحوله للشيء اللي أنت عايزه”.
ياسمين صبري عن الإنسان
كما روت تفاصيل عن حياتها الشخصية، وكشفت صفات في شخصيتها ويجب ان التغير يكون متواجد دائما في حياة الإنسان.
وصرحت قائلة: “جملة أنت اتغيرت دي حاجة وحشة، المفروض الإنسان ميثبتش على حاله، التغيير هو إنك تبقى ديناميكي، الخير والشر والجمال والقبح وكل شيء ونقيضه احنا اتخلقنا كدا اصلًا”.
وأوضحت قائلة: “وهي دي الفكرة من وجودنا كخليفة لربنا في الأرض وإنك تدور على الحلو وتطلع الحلو وتجاهد نفسك وتهذب روحك، فأنا شفافة وحاجات كتير أوي في بعض وأهم حاجة أبقى عارفه نفسي.. رحم الله امرء عرف قدر نفسه”.