وروت الفنانة ياسمين صبري تفاصيل عن حياتها الشخصية، وكشفت صفات في شخصيتها ويجب ان التغير يكون متواجد دائما في حياة الإنسان.
ياسمين صبري عن الإنسان
وصرحت خلال حوارها مع أنس بوخش الذي يعرض عبر موقع مشاركة الفيديوهات “يوتيوب” قائلة: “جملة أنت اتغيرت دي حاجة وحشة، المفروض الإنسان ميثبتش على حاله، التغيير هو إنك تبقى ديناميكي، الخير والشر والجمال والقبح وكل شيء ونقيضه احنا اتخلقنا كدا اصلًا”.
وأوضحت قائلة: “وهي دي الفكرة من وجودنا كخليفة لربنا في الأرض وإنك تدور على الحلو وتطلع الحلو وتجاهد نفسك وتهذب روحك، فأنا شفافة وحاجات كتير أوي في بعض وأهم حاجة أبقى عارفه نفسي.. رحم الله امرء عرف قدر نفسه”.
ياسمين صبري: مفيش علاقة تجمعني بوالدي .. والانفصال اختيار
كما أوضحت الفنانة ياسمين صبري علاقتها بـ والدها، قائلة: “مفيش علاقة بوالدي ولا مش بسبب الانفصال كل يوم الواحد بيبقاله اختار وناس بتختار تكمل الطريق وتتحمل المسئولية وفيه ناس بتختار نفسها أو أيًا كان، وهو مش عشان الانفصال والانفصال مش معناه العيلة تتفكك بالعكس ده بيبقى اختيار”.
وأضافت انها كانت تعيش مع أجدادها قائلة : “جدتي وجدي اللي تبع مامتي هما اللي ربوني من طرف مامتي وجدتي ست شديدة، ومامتي كانت بطلة سباحة وخلوني أتدرب وألعب سباحة من وأنا عندي 4 سنين”.