تحدث مطرب الراب ويجز عن كيفية حفظه لكلمات أغانيه التي يعتبرها البعض صعبة إلى حد ما، كما تحدث عن المرأة التي وصفها بأنها نصف المجتمع، وذلك خلال حواره في برنامج الحكاية.
وقال ويجز: أنا اللي ببقى كاتب الأغاني اللي بغنيها عشان كدة ببقى حافظها ومش صعبة عليا، ولما بيعدي وقت بقعد أسمع الأغاني 3 أو أربع مرات عشان أركز وأقولها صح زي ما غنيتها، وأي جملة بشوفها جميلة بكتبها وبعدين أشوفلها قافية، وممكن أكتب الأغنية سطرين وأسيبها شهرين وأرجع أكمل تاني.
وكشف ويجز عن عدم ظهوره إعلاميًا بشكل كبير، قائلًا: مش بظهر كتير عشان ببقى مشغول، وبحس إن لو مش حاجة مهمة مش بطلع ولا بتكلم، عشان اللي يفرق معايا أكتر اللمة الجميلة وصحابي وإني أشوف أهلي وبس.
وأضاف: مكنتش متوقع النجاح اللي بحققه ده، بس كنت مركز وأول أغنية عجبت الناس قولت هكمل فيها، واللي ساعدني إني سافرت واتعلمت من كل الناس.
ويجز: بالراحة شوية على البنات في مصر
وتطرق في حديثه عن المرأة، حيث قال: المرأة هي نصف المجتمع، ولما بتكلم عن الست فهي أمي وأختي، وعايز أقول بالراحة شوية على البنات في مصر، الناس ضاغطين عليهم شوية.
اقرأ أيضًا