كشفت الفنانة وفاء عامر عن الكثير من أسرارها الخاصة في حياتها، خلال حلولها ضيفة ببرنامج «واحد من الناس» المذاع على فضائية الحياة، وذلك بدايةً من الصعوبات التي واجتها في بدايتها الفنية، مرورا بـ وفاة والدها، وفي النهاية المشكلات التي واجتها بسبب الفن.
وتابعت وفاء عامر حديثها عن أصعب المواقف التي تعرضت لها، فقالت: «أما أبويا مات حسيت إن شعر ابيض بدري وكبرت وعجزت جدا عشان مش هقول بابا تاني كان حساس وحش جدا واليتم، وأمي كمان كانت صغيرة فكنت حساها مسؤلة مني مع ولادي، وكانوا هما أهم حاجة عندي».
مضيفة: «كلهم استقروا معايا في القاهرة وكنت بفكر مين عايز ايه، أنا لو كنت عايز اشتري لنفسي جزمة كانوا هما الأول، حياتي كانت صعبة الأول لـ حد ما اتعودت».
واستكلمت حديثها مشيدة بأخلاق وقيم والدها: «أبويا كان راجل طيب جدا لدرجة انه كان بيروج جنازة الناس اللي ميعرفهاش، راجل مصري فيه مجدعة بيسأل عن جيرانه، كان ونس واحنا محتاجين ديما الونس ونكون جنب بعض»، وأشارت وفاء عامر خلال البرنامج بأن فاروق الفيشاوي ساعدها كثيرا في حياتها.
مشهد وفاء عامر ومحمد رمضان في «نسر الصعيد»
وتحدثت وفاء عامر عن تفاصيل المشهد المسرب الذي يجمع بينها وبين الفنان محمد رمضان في مسلسل «نسر الصعيد»، معلقة: «أنا بقدر أقول لأ لو حاجة ضد ما أؤمن به الآن».
وتابعت: «طبيعة أدواري تغيرت منذ 15 سنة، والمشهد ده اتصور الساعة 6 الصبح وبصيت على الورق وكان مشهد مضاف».
وأضافت وفاء عامر : «معرفش المشهد ده اتسرب إزاي، وساعتها سبت رسالة لـ جمال العدل عن المشهد ده، وقالي لو المشهد يخل بالسياق الدرامي هشيله»، معلقة: «المشهد ضدي وضد محمد رمضان، وجايز انا مفهمتش الكلمة اللي اتقالت ومحبش إنه يتم الترويج لها لأنها ذات معنى بايخ».