كشفت خطيبة الضابط الشهيد سليمان علي سليمان عن مفاجأة بعد استشهاده في حادث سيناء الإرهابي، اليوم، الذي أسفر عن استشهاد إثر هجوم إرهابي على نقطة مياه غرب سيناء أسفر عن استشهاد ضابط و 10 جنود وإصابة 5 آخرين.
خطيبة الضابط الشهيد سليمان
وأوضحت خطيبة الضابط الشهيد أن حفل زفافهم كان سيتم خلال أيام، قائلة: يارب الصبر مش قادرة قلبي هيقف مش قادرة، كان بيقولي جايلك يا شعاع من نور يا صالحه يا يلي مفيش زيك ولو دورت مش هيلاقي حد يسعدنى غيرك وشقتك هفتحها ع بعضهاا وهتكونى انتى الملكه والأميرة يا حاملة كتاب الله ودهب الساغة مش يكفيكى، أينعم ظروفي ع ادها وانا ابن ناس بسيطه وهجبلك الدهب الا تطلبيه كله وهصورك بكاب بتاعي يا جميلة.
وأضافت: كان يقولي ياخادمه آل البيت انتي صالحه ومميزة عن بقيه البشر وآخركلام ما بنا كان انهاردة الضهر كانت. صوته تعبان قلتله مالك قلي لء لء مفيش ده من فرحتى بيكى هاخد اجازة واجيلك حافي عليكى ..سلميلي علي ماما وأخواتك وقوللهم انا جاي اخد منكم النجمة، مدد يارب”.
وتابعت: “اقوله صوتك ماله يقولي ده انا مش نمت من انبارح عشان عاوز اخطفك وصوته كان تعبان اوى وكان بيقاوم. يااارب”.
وأتمت: بحبك اوى اوى اوى يا أجمل انسان شوفته يارب الصبر، كان بيقولي انت الا هتقرء قرأن في فرحنااا ااه”.
وكان قد صرح العقيد أركان حرب غريب عبد الحافظ، المتحدث العسكرى للقوات المسلحة، قيام مجموعة من العناصر التكفيرية بالهجوم على نقطة رفع مياه شرق القناة وتم الإشتباك والتصدى لها من العناصر المكلفة بالعمل فى النقطة مما أسفر عن إستشهاد ضابط و 10 جندى ، وإصابة 5 أفراد وجارى مطاردة العناصر الإرهابية ومحاصرتهم فى إحدى المناطق المنعزلة فى سيناء .
وشدد على أن القوات المسلحة تؤكد على إستمرار جهودها فى القضاء على الإرهاب وإقتلاع جذوره.