عبرت هنا الزاهد عن حبها الشديد عندما صمم زوجها الفنانة أحمد فهمي مشاركتها في أول عمل بطولي لها، وكشفت تفاصيل اصابتها بفيروس كورونا وكيف عاملها أحمد خلال فترة العزل.
هنا الزاهد عن أحمد فهمي
واردفت خلال حوارها مع الإعلامية منى الشاذلي ببرنامج “معكم” الذي يعرض من الاربعاء إلى الجمعة في تمام الساعة 9 مساءً على قناة “سي بي سي” الفضائية، قائلة: “أحمد قالي نفسي اطلع معاكي حتى لو شوت واحد عشان اكون موجود معاكي في اول عمل بطولي ليكي واحمد طيب اوي وحنين وفعلا طلع معايا شوت صغير ومتكلمش، والحتة ديه فرقت معايا جدا جدا وكنت مبسوطة بوجوده معايا”.
هنا الزاهد والكورونا
وروت كواليس اصابتها بفيروس كورونا قائلة: “كنت مسافرة وعندي تصوير برا مصر وعملت البي سي ار عادي
وكنت بصور مع احمد حاتم ولاقيت المساعدة بتاعتي جاية بتزعق من بعيد يا استاذة انتي عندك كورونا لاقيت الكل تنح وبصولي ومرة واحدة لبسوا الكمامات بتاعتهم واتوترت جدا لاقيت المخرج جالي وقالي اهدي اهدي انتي لو عندك كوورنا ف احنا ضعنا”.
وتابعت قائلة: “لما جالي كورونا اتخانقت مع احمد خناقة كبير جدا عشان قولتله انا مش هسيبك وهفضل جمبك هو اول لما جالي كورونا كان بيزعق وبيقولي ابعدي عني وكان بيعملني من ورا الازاز وكنت مضايقة منه اووي”.