كشفت الفنانة الشابة هنادي مهنا عن أعمالها القادمة، وتفكر في الاتجاه إلى مجال الغنى، كما أشادت بأبطال فيلم تماسيح النيل.
هنادي مهنا تكشف عن أعمالها القادمة
وصرحت خلال لقائها مع الإعلامية منى الشاذلي ببرنامج معكم، الذي يعرض عبر قناة سي بي سي الفضائية، من الاربعاء للجمعة، في تمام الساعة 9 مساءً، قائلة: “عند فيلم تماسيح النيل قريب هينزل وبحبه جدا وده اول بطولة نسائية ومن بطولة حمدي المرغني ومحمد ثروت وخالد الصاوي ربنا يشفيه”.
وأضافت قائلة: “انا مش عارفة هينزل امته، وميزة الفيلم ده انه كوميدي وفي دراما، وحاجات حلوة اوي، وحمدي ومصطفى خاطر بجد شطار جدا جدا وهما قد ايه بيعرفوا زي ما بيضحكونا وقدرين يعيطونا كمان وفي ابداع”.
وتابعت قائلة: “وانا بفكر في الغنى وبحب الطبلة اوي واكتشفت نفسي اوي، في ان بعرف اطبل وانا بحب صوت الطبلة اوي”.
هنادي مهنا تكشف سبب اختفائها من موسم رمضان 2021
وكشفت الفنانة هنادي مهنا سبب اختفائها من موسم رمضان 2021، قائلة: “انا معملتش حاجة في رمضان اللي فات خالص من ساعت مسلسل الفتوة ودوري مع أحمد بحبه جدا واحنا كنا مخطوبين قبلها اصلا بس مكنش حد يعرف في المسلسل ده”.
وتابعت قائلة: “بحب المسلسل ده اوي بـ كواليسه وبكل تفاصيله بجد وبحب جميع فريق العمل بتاعه والاستاذ ياسر جلال انسان جميل جدا جدا”.
كما وجهت رسالة لجميع الفتيات، بعد شخصيتها وتجربتها في حكاية “بدون ضمان” وهي من ضمن حكايات مسلسل إلا أنا، وعبرت عن سعادتها بالمشاركة في هذة الحكاية قائلة: “من أول ما الورق اتبعتلي خلاص انا حبيت مريم جدا وأول مرة أحب شخصية كده والمسلسل كله كان حلو اوي”.
وأضافت وجهت نظرها من خلال المسلسل قائلة: “انا من وجهت نظري الشخصية بيت العيلة ده مرفوض حتى لو الناس كويسة بس لما تبقى مع حماتها في البيت في فكرة بتسيطر عليها ان ديه مرة ابنها وخدت ابنها منها”.