وجهت الفنانة هنادي مهنا رسالة شكر لجميع فريق عمل حكاية “بدون ضمان” التي ضمن حكايات مسلسل إلا أنا، بعدما حققت نجاح كبير في العرض الاول.
هنادي مهنا تشيد بفريق عمل حكاية بدون ضمان
وقالت خلال لقائها مع الإعلامية منى الشاذلي ببرنامج معكم الذي يعرض عبر قناة سي بي سي الفضائية في تمام الساعة 9 مساءً، قائلاً: “عايزة اشكر فريق العمل كله وفعلا مفيش حد واحد كان تمثيله وحش وهاجر مثلت حلو اوي”.
وتابعت قائلة: “أحمد كشك عبقري وكل الناس كانت متعاونا جدا والمخرجة تعبت اوي معانا وبذلت مجهود كبير جدا ومش عايزة انسى حد بس بجد المسلسل نجح بيهم وبمجهودهم، وبجد أنا محظوظة بالعمل مع الفريق ده”.
هنادي مهنا بعد شخصية مريم توجه رسالة للبنات :”بيت العيلة لا”
ووجهت هنادي رسالة لجميع الفتيات، بعد شخصيتها وتجربتها في حكاية “بدون ضمان” وهي من ضمن حكايات مسلسل إلا أنا، وعبرت عن سعادتها بالمشاركة في هذة الحكاية قائلة: “من أول ما الورق اتبعتلي خلاص انا حبيت مريم جدا وأول مرة أحب شخصية كده والمسلسل كله كان حلو اوي”.
وأوضحت وجهت نظرها من خلال المسلسل قائلة: “انا من وجهت نظري الشخصية بيت العيلة ده مرفوض حتى لو الناس كويسة بس لما تبقى مع حماتها في البيت في فكرة بتسيطر عليها ان ديه مرة ابنها وخدت ابنها منها”.