تصدرت الفنانة الشابة هنادي مهنا محرك البحث عبر مواقع السوشيال ميديا، بعد حلولها ضيفة ببرنامج «كلمة أخيرة»، الذي يقدمه الإعلامية لميس الحديدي على فضائية ONE، وكشفت هنادي عن تفاصيل علاقتها بزوجها الفنان أحمد خالد صالح بعد شائعات انفصالهم، التي انتشرت في الأونة الأخيرة على مواقع التواصل الاجتماعي.
شائعات خلافاتي مع أحمد بتضحكني
بعد حفل زفاف الفنان محمد فراج وزوجته بسنت شوقي، تنبأ البعض أن حدث بالفعل انفصال الثنائي هنادي وأحمد صالح، لعدم ظهوره معها في أكثر من مناسبة، إلا أنها سخرت من شائعان انفصالها عن زوجها موضحة: «الموضوع مضحك وبيضحكني أوي، وقلت كويس أنهم مشغولين في الكلام وده وفرحت بصراحة، وقلت كمان متخيلين أن بينا خلافات أحسن مايحسدونا».
كما أكدت أن تغير الغيرة الطبيعية على زوجها، بعدما وجهتلها الإعلامية لميس الحديدي سؤالاًَ من يغير على الثاني أكثر، «أكيد زي كل البني أدمين بس مش بتخانق وهو بيغير عليا في حدود الطبيعي، و أحمد خالد صالح مش بقولي ستو أنا رغم إن الناس كلها بتقولي كده».
مؤكدة أن تمسك موبايل زوجها ليس بغرض التفتيش وأنها بالفعل معاها كلمة السر الخاص بتليفونه: «وكشفت أنها أحيانا تقوم بفتح موبايل زوجها لكن ليس لشيء سوى لأخذ صور بعينها أو خلاف ذلك أو أني اكلم حد وموبايلي يكون فاصل شحن مثلاً».
هنادي مهنا: أنا بحب الطبيخ.. وبحضر كل يوم الأكل لـ جوزي
كشفت الفنانة هنادي مهنا، عن علاقتها بالمطبخ، ومهاراتها في تحضي الطعام، مؤكدة على أنها تحضر الطعام يوميًا لزوجها الفنان أحمد خالد صالح.
وقالت “مهنا” خلال حوارها مع الإعلامية لميس الحديدي، ببرنامج “كلمة أخيرة”: “أنا بحب اطبخ جدًا، وبعمل كل الوجبات في بيتي، فطار وغدا وعشا، ولازم احضر لأحمد جوزي الاكل قبل ما اروح التصوير، ولما برجع من التصوير بجهزله الأكل، بحاول أكون ست بيت شاطرة”.
هنادي مهنا: أنا كنت بتأثر بكلام الناس.. وبالنسبالي الشكل والرشاقة مش مهمين
أعربت الفنانة هنادي مهنا، عن استيائها من الضغوط التي يفرضها المجتمع على البت لتطابق معايير الجمال، مشيرة إلى أن الشكل بالنسبة لها ليس أمرًا هامًا.
وقالت “مهنا” خلال حوارها مع الإعلامية لميس الحديدي: “حاجة وحشة جدًا الضغوط الي بيفرضها المجتمع في معايير الجمال، خصوصا اننا بقينا مهتمين جدا بالسوشيال ميديا والانستجرام، اللي فيه 99 % حاجات مش حقيقية، احنا بنشوف صورة من يوم فيه 24 ساعة احنا منعرفش كانوا عاملين ازاي”.
وأردفت: “بالنسبالي الشكل مش مهم ولا الرشاقة، المهم ان الواحد لما يبص في المرايا يكون مرتاح من شكله، ويكون مبسوط من جواه، مش مهم الناس شايفني ازاي”.
واستطردت: “لما ببقى شكلي عجبني، وفيه حاجات كتيرة اوي بتخلينا مبسوطين ممكن يبقى شغل او علاقات اجتماعية”.
واختتمت: “الناس دايمًا بتركز مع كلام اللي حواليها، فأنا نفسي يبطلو ده، ليه تسمعوا لحد بيقول وجهة نظره فيكي، انا كنت بتأثر جدًا بكلام اللي حواليا لكن الحمد لله مبقتش كده”.