تحدثت الفنانة القديرة هناء الشوربجي، عن كيفية اختيارها للادوار التي تخوضها، مؤكدة أنها لا تقبل الا الأدوار الجيدة التي تليق بها.
وقالت هناء الشوربجي في تصريح خاص لـ«أوان مصر»: انا بحب الأدوار تبقى حلوه ميبقاش فيها اي حاجه تسئ ليا وبحب الأدوار المحترمة، وده اللي خلاني أختار الدور ده، ودايما بدقق في ادواري، دايما بحب أعمل حاجه مندمش عليها بعد كده، او حاجه مكسوفه منها لازم تكون حاجه فخورة بيها.
هناء الشوربجي عن مبادرة إلهام شاهين بالتبرع بالأعضاء بعد الموت: الجسد مش ملكنا
من جانبه كشفت الفنانة القديرة هناء الشوربجي، عن رأيها، في قرار الفنانة إلهام شاهين بالتبرع بالأعضاء بعد الموت، لافتة إلى أن ذلك يصعب تحديده إلا باللجوء إلى علماء الدين.
وذكرت هناء الشوربجي في تصريح خاص لـ “أوان مصر” قائلة: هو موضوع صعب إني أقول رأي فيه، بس في علماء الدين بتقول أن جسم البني آدم دا مش ملكه، أنت تتصرف أو تتبرع في حاجه ملكك، تتبرع بيها وأنت عايش، لأن جسمك دا مش بتاعك”.
وواصلت الشوربجي:” اللي أنا أعرفه أن الإنسان يتبرع بالقرانيه بس، وبردوا فيها خلاف، فلو هو مش حرام نتبرع عادي لكن لو حرام مينفعش طبعًا”.