استكمل الفنان هاني سلامة حديثه عن علاقته بزوجته ويكشف لأول مرة لماذا وافقت عليه زوجته، لترد عليه بإجابة ادهشته وغير متوقعة.
هاني سلامة يكشف لأول مرة لماذا وافقت عليه زوجته (فيديو)
وصرح خلال حواره مع الإعلامية إسعاد يونش ببرنامج “صاحبة السعادة” الذي يعرض يومي الاثنين والثلاثاء في تمام الساعة 11 مساءً، قائلاً: “الموضوع بقى في دماغي وبدءنا نتقابل وقولت ياجماعة انا قاعد قدام حد متربي اوي وكويسة اوي واحسن مني بكتير فاتخطبنا وقعدنا سنة ونص وانا كنت قاصد اطول الخطوبة عشان متتظلمش معايا وتكون شافتني وعرفتني واتجوزنا بعدها كان عندي 29 سنة”.
وتابع قائلاً: “وسألتها قولتلها اختارتيني ليه قالتلي “فاكر انت في يوم جيت الجامعة كنت مضايق جدا وقعدنا نسألك مالك وكنت متخانق مع امك ويومها كنت مضايق جدا ومودك كان وحش جدا وكنت عايز ترجع عشان تراضيها وشوفت ان ليك خير في اهلك وهيبقى ليك خير فيا “.
هاني سلامة يروي كيف بدءت قصة حبه لـ زوجته
روى الفنان لأول مرة كيف بدءت قصة حبه مع زوجته التي كانت صديقته ايام الجامعة وهي خارج الوسط الفني، وابرز مواقفه مع زواجه من هذة الفتاة.
وكشف قائلاً: “كانت معايا في الجامعة وفي نفس الفرقة وعلاقتنا كانت صداقة عادية في الجامعة عادي وكنا جروب كدة مع بعض وعلاقتنا متطورتش خالص في الجامعة ومكنتش عايزة ادخل علاقة رسمية خالص وكنت ديما اقول العشرينات ديه بتاعتي في التلاتينات بقى ادخل حد في حياتي”.