أعرب الفنان هاني سلامة، عن مشاركة ضمن فريق عمل فيلم أصحاب ولا بزنس، للمخرج علي إدريس، لافتًا أنها كانت تجربة على غير المعتاد بالنسبة له.
وذكر سلامة خلال لقاء ببرنامج “صاحبة السعادة” عبر فضائية “دي ام سي” قائلاً:” تجربة أصحاب ولا بزنس كانت تجربة جديدة والناس كلها كانت حلوة، ومنورة أوي، وكان في ناس كتير وفنانين كبار، وكان في طلاب جامعة وأكاديميات”.
من جانبه كشف الفنان هاني سلامة عن كواليس فيلم السلم والتعبان، ولماذ كان مشهور بهذا العمل بالرغم من وجود اعمال له اخرى سابقة.
وصرح خلال حواره مع الإعلامية إسعاد يونش ببرنامج “صاحبة السعادة” الذي يعرض يومي الاثنين والثلاثاء في تمام الساعة 11 مساءً، قائلاً: “السلم والتعبان انا عملت في موقف اتعلمت منه كتير والموقف ده اتعلمته من الاستاذ يوسف شاهين واتعلمت منه كتير بصراحة وكان في مشهد كده ان الاستاذ طارق عايز حلا تعيط وقعد يتكلم مع حلا كتير اوي بس حلا مكنتش عارفة تستحضر اللحظة ديه ومش عارفة تدخل في المود ده”.
وتابع قائلاً: “وقولت لطارق استأذنك في حاجة ممكن تطلع الناس وتديني 5 دقايق مع حلا وقفت واتكلمت مع حلا وتقمصت استاذ يوسف اوي وقولتلها حلا انا عارف انتي بتحبيني ازاي وانا بحبك ازاي ودلوقتي لو سمعتي خبر وفاتي وبدءت اجهزها وعيني بدءت تلمع وعيطت وحلا عيطت روحت واخدها من ايديها وقولت لاستاذ طارق يلا والمشهد اتاخد من اول مرة”.