أوضحت الفنانة هالة فاخر كيف كانت ستتصرف لو كان لديها بنت تأخرت في الزواج، وجاء ذلك خلال حوارها مع الإعلامي رامي رضوان ببرنامج مساء دي أم سي.
هالة فاخر : “لو عندي بنت زي شادية اكيد هدعهما”
وطرح رامي عليها سؤلاً وقال: “النصيب لو أتأخر الأم تتصرف ازاي مع البنت”، لترد عليه قائلة:” انا مجربتش الحكاية دي مع بناتي لأنهم بعد ما خلصوا كلياتهم هما اللي اختاروا”.
وتابعت: “لكن لو عندي بنت بنفس ظروف شادية انا كنت هبقى هدعهما نفسيا ومش هخليها تحس انها نقصها لحاجة تانية ابدا مش بقى هقولها روحي الكوافير واهتمي بنفسك والكلام ده”.
وأشاروا فريق عمل حكاية عقبال عوضك أن سلسلة زي القمر بتناقش قضايا تعاني منها المرأة وفكرة العنوسة المجتمع بيعاني منها يوميا، موضحين : “فكنا لازم نعالج القضية دي بطريقة توضح ان تاخر الزواج مش وصمة عار على البنت هو مجرد نصيب”.
مخرج حكاية “عقبال عوضك” يكشف كواليس التحضيرات
أوضح المخرج معتز حسام، تحضيرات تصوير حكاية “عقبال عوضك“، الذي تم عرضه خلال الايام الماضية وحقق نجاح كبير من أول حلقة وتتكون هذة الحكاية من 5 حلقات ويناقش قضية مهمة للمجتمع المصري.
وكشف المخرج قائلاً: “دايما في شغلي في الحاجات اللي بتتناول مشاعر كثيرة بهتم بالتفاصيل وبالنسبة لاستاذة مي مبذلتش أي مجهود في توصيل المعلومة واللي محتاجه في المشاهد بل بالعكس هي طلعت مشاعر أكثر مما اتخيل ما عن استاذة هالة فأنا من الأول مكنتش شايف حد غيرها في الدور وكنت مقتنع تماما انها المناسبة”.