أكدت الفنانة نور اللبنانية، على أن التعاويذ التي عرضت ضمن أحداث مسلسل “جمال الحريم”، ليست حقيقية، موضحة أن الزار حقيقي.
وقالت نور خلال لقاءها مع الفنانة إسعاد يونس، في برنامجها “صاحبة السعادة”: “الزار شيء مزعج بالنسبالي، ومكنتش حابة أقدمه في مسلسل جمال الحريم، وكنت رافضة في الأول، حتى منال الصيفي أخدت بالها وفهمت أني مخضوضة من الموقف، لأنهم جابو فرقة زار حقيقية، بس يمكن عشان حاطة في دماغي انه زار حقيقي فكنت مش مرتاحة وخايفة”.
وأردفت: “المواضيع متعرضش ليها في حياتي نهائيًا، وانا قافلة الباب ده ولا بدور فيه، ولا بجري وراه”.
واستطردت: “التعاويذ اللي مكتوبة في المسلسل مش حقيقية، شبه الكلام، وشبه الصوت، لكن مش حقيقية”.
نور عن مسلسل «جمال الحريم»: التعاويذ مش حقيقية.. لكن الزار حقيقي وكنت خايفة
من جانبها، روت الفنانة نور اللبنانية، تفاصيل عن طبيعة حياتها اليومية مع الأولاد، وكيفية خروجها من منزل وقت توصيل الأولاد إلى سيارة المدرسة.
وقالت الفنانة خلال لقاءها مع الفنانة إسعاد يونس، ببرنامجها “صاحبة السعادة”، المذاع عبر فضائية dmc: “أي مدرس للعيال لما يجي البيت بيتخض، لكن بعد كده بيتعود، لكن المدرسي الي في باص بيتصدموا أكتر، لأني بلبس أي حاجة واخرج اوصل ولادي بيها”.
وأضافت: “في الأول كنت بعمل مجمهود وبعمل شعري الأول والبس واتشيك، وابص في المرايا، عشان اخرج اودي العيال على الباص، بعدين بدأت اذهق من المجهود، وبدأت اعمل شعري بس والبس اي حاجة، في المرحلة التالتة تخليت عن عمايل الشعر وبقيت اخرج بالبيجامة، وعليها شال، ومبقتش ابص في المرايا”.
وتابعت: “بقى كل الي في الباص يبصوا كده ويقولوا لنفسهم بقى ديه نورالفنانة، ومستغربين”.