كشفت الفنانة نهى عابدين عن اصولها الحقيقية وهي ليست اسكندرانية، ولكن عاشت في اسكندرية، وعبرت عن سعادتها بالمشاركة في اعمال تجمع نجوم تقال مثل “يحيى الفخراني، هند صبري” وغيرهم.
نهى عابدين تعبر عن سعادتها بمشاركة مع فنانين تقال
وروت تفاصيل تجربتها مع الفنانة امينة خليل أثناء حوارها مع الإعلامية إسعاد يونس، ببرنامج “صاحبة السعادة” الذي يعرض عبر قناة دي ام سي الفضائية يومي الاثنين والثلاثاء في تمام الساعة 11 مساءً، قائلة: “انا مبسوطة جدا ان اشتغلت مع يحيى الفخراني وامينة خليل وهند صبري وناس تقيلة وديما بحاول ابعد عن دور انا عملت شبهه قبل كده”
وتابعت قائلة: “كريم الشناوي ساعدني جدا لما عملت دور نيللي في خلي بالك من زيزي”.
نهى عابدين تكشف عن اصولها الحقيقة
وأشارت ان أصول عائيلتها من سوهاج ورشيد قائلة: “انا اصلا اصلا باباي من سوهاج وامي من رشيد واتجوزوا وعاشوا في اسكندرية قدمت في معهد فنون مسرحية وبقى يجيلي ادوار صغيرة وواحدة واحدة بقيت قدام حضرتك”.
وأوضحت تفاصيل واسرار في حياتها الشخصية قائلة: “لما دخلت ثانوي لاقيت نفسي حابة التمثيل وعايزة امثل ودخلت بعد الثانوي اداب علم اجتماع وكنت في السنة ديه قدمت في فنون مسرحية بالاسكندرية وسقط اول سنة كملت السنة اللي بعدها في اداب علم الاجتماع وقدمت تاني في معهد فنون مسرحية تاني في الاسكندرية قالولي احنا قفلنا بس كان في القاهرة وروحت وكنت متوقعة ان مش هتقبل وقدمت واتقبلت”.
وأضافت قائلة: “حلاوة الدنيا كان نقلة ليا وبعد ونوس ع طول قدمته وكنت مبسوطة بالقصة والدور والشخصية وكان في بداية بشكل ونهاية بشكل والدور حبيته جدا واثر فيا”.
ولافتة ان حلم حياتها ان تترك تاريخ من الاعمال قائلة: ” عايزة اسيب تاريخ واسم واستمتع بالحاجة اللي بحبها ومبسوطة ان اشتغل حاحة بحبها وديه نعمة، ونفسي ادي للشغلانة ديه زي ما بحبها واسيب اسم وتاريخ”.