نصر محروس/ نجح الفنان تامر حسني في الصلح بين المنتج نصر، والفنان دياب ووجه المنتج رسالة لـ دياب بواسطة تامر، وذلك من خلال صفحة تامر الرسمية بموقع تبادل الصو والفيديوهات “إنستجرام”.
وقال: “طبعا انا عايز اقول ان تامر حسني اخويا الصغير وابني الكبير اللي بفتخر بيه وبحترم مجهوده اللي بيعمله ومقدرش اتأخرله في طلب وان دياب اخويا الصغير برضه واتربى في بيتي”.
نصر محروس يوجه رسالة لـ دياب بواسطة تامر حسني
وأوضح: “انا بس كان صعبان عليا انه كان من الحبايب، واللي عايز حاجة مني يطلبها وانا زعلت من دياب بسبب المواقف اللي هو عملها بس انا من قلبي بتمناله كل الخير وانا مقدرش امنع الشغل عن حد لان انا مش ربنا ربنا هو اللي بيرزقنا كلنا”.
وأضاف قائلاً: “دياب انت تعبت في اوي ومتمنالوش اي شر لان من المشاريع اللي انا بحبها اخويا اللي اتربى في البيت ده تامر قبله وهو بيقوم بدور الاخر اللي بياخد الاخوات في حضنه وبيجمعهم وانا مش عايز اتكلم كتير غير يا دياب ربنا يكرمك ويوفقك ويسعدك وديما اشوفك ناجح”.
تامر حسني يصلح بين نصر محروس ودياب
وكان يتواجد الفان تامر حسني في منزل نصر محروس ودعى دياب لكي يأتي ويصلح بينمها ونجح تامر في ذلك، علق على الفيديو قايلاً: ” احب امسي على كل الناس وانا انهاردة ربنا قدرني والحمدلله، لان انا مشيت في حاحة جميلة جدا، لـ اخ ليا وحبيبي الفنان دياب والاستاذ الكبير نصر محروس وانهاردة في قعدت صلح كده جميلة ربنا قدرنا كلنا وجمعنا واحنا اول بيت خرجنا منه في الموسيقى بيت الاستاذ نصر محروس”.
وتابع قائلاً: “انهاردة في صلح جميل حصل ومش هيبقى في اي مشاكل بعد كده وبشكر استاذ نصر محروس على الكلام الكتير اللي هو قاله انهاردة في حق دياب وان هو معتبره اخوه الصغير وخلاص هو مش مش عايز اي حاجة منه وربنا يكرمه وبيتمناله كل الخير والنجاح ودياب شكره جدا واعتذر على اي سوء تفاهم حصل”.
وأشار قائلاً: “انتو طبعا عارفين ان بيبقى في ناس في نص بتوصل وجهت نظر غلط لما يبقى في عقلاء في النص كده يخشوا يهدوا الامور الامور بتمشي بما يرضي الله والحمدلله احنا انهاردة كلنا معزومين عن استاذ نصر محروس”.
View this post on Instagram