View this post on Instagram
سر غياب نشوى مصطفى عن الساحة الفنية
كشفت الفنانة نشوى مصطفى، سببب غيابها عن الساحة الفنية خلال الفترة الأخيرة، مشيرة إلى أنها تصاب بحالة اكتئاب شديدة نتيج ابتعادها عن الفن.
وأضافت نشوى مصطفى: “أمس الاول اتعرض عليا شغل والحقيقة النهارده اعتذرت، وكلمت الاستاذ المخرج المحترم الراقى وقلت له اسباب اعتذارى وكان رده كنت متأكد انك مش حتوافقى وباحترمك جدًا لانك رفضتى لان كان فيه رهان- حد قال انك حتوافقى لان بقالك كتير بعيد وانا قلت له غالبًا حتعتذر رغم أن مساحة الدور كويسة، قلت له يااستاذ مثلًا الزميل العزيز ماجد الكدوانى عمل مشهد واحد في مسلسل عظيم اسمه تحت السيطرة، والحقيقة مفيش حد يقدر ينسى العظمة اللي عملها رغم انه مشهد واحد الموضوع مش مساحة، المهم اعتذرت وخلاص ولقيت نفسى بعدها مش مبسوطة”.
واختتمت: “كلمت ربنا وقلت له يارب انا مش فاهمانى وحضرتك اللي خلقتنى وعارف نقط ضعفى، وطلبت منه يفهمنى ويرضينى بالمقدر ليا، وسبحان الله بافتح الفيسبوك لقيت بوست مكتوب فيه من يترك كل أمره في يد الله سيجد يد الله في كل شئ يخصه، وعلى طول غمضت عينى وابتسمت لان حسيت أن ده رد ربنا سبحانه عليا وبعدها قعدت اردد اللهم إنى اسلمت لك نفسى ووكلتك أمرى فأنت حسبى ووكيلى، وصلى الله على سيدنا محمدًا النور واهله”.