أثارت معلمة المنصورة، جدلًا واسعًا على مواقع التواصل الاجتماعي، خلال الأيام الماضية، بسبب مقطع فيديو ظهرت من خلاله وهي ترقص في رحلة نيلية مع زملائها الرجال.
وتعرضت المعلمة لهجوم لاذع، وانهالت عليها التعليقات الجارحة، مما تسبب ذلك في خسارة عملها، وطلاقها من زوجها.
نجوم دعموا معلمة المنصورة
وتضامن عدد من الفنانين والإعلاميين مع معلمة المنصورة، بشأن الهجوم الذي تعرضت له، ولعل أبرز الداعمين لها النجمة سمية الخشاب.
ويستعرض لكم موقع “أوان مصر” في السطور التالية نجوم دعموا معلمة المنصورة.
سمية الخشاب
تصدرت الفنانة سمية الخشاب قائمة نجوم دعموا معلمة المنصورة،حيث أنها من أوائل النجوم الذين قرروا أن يساندون المعلمة أية يوسف، صاحبة فيديو الرقص، ولم تخشى من الرد على منتقديها.
وغردت الخشاب، عبر حسابها الرسمي بموقع التواصل الاجتماعي “تويتر”، قائلة: “شوفت فيديو لمدرسه طاقتها جميله وايجابيه ومتصالحه مع نفسها، رقصت مع زمايلها اللي هما زي اخواتها وبتعبر عن سعادتها يعني مكفرتش!! اللي صورها بقي واقتحم خصوصيتها ده اللي لازم يتعاقب!! ارحموا من في الارض يرحمكم من في السماء، يتخرب بيتها عشان بتعبر عن سعادتها في مكان عام وسط زمايلها؟”.
وقالت في تغريدة أخرى: “واعتقد والله اعلم اللي صورها اما واحده حاقده وغيرانه منها او واحد مريض ونيته سوده وبرضه غيران منها، لو كل واحد يخليه في حاله ويسلك حياتنا حتتغير للافضل، فعلا الجهل كارثه كبيره”.
وواصلت سمية الخشاب دعمها لمعلمة المنصورة، مفعلة هاشتاج: “المُدرسه الفرفوشه رزق”، لتتربع على عرش قائمة نجوم دعموا معلمة المنصورة.
وأضافت: “ترقص قدام رجاله ترقص قدام فضائيين هي حره!!!!!!!! انت مين عشان تقول ينفع ولا مينفعش؟؟؟؟ انت رجل دين عشان تتكلم؟ حتي لو كلامكم صح ربنا هيحاسبها مش انتوا، غاويين نكد وكراهيه حالكم يصعب علي الكافر”.
وفاء عامر
انضمت الفنانة وفاء عامر إلى قائمة نجوم دعموا معلمة المنصورة، فقد تضامنت معها، من خلال مقطع فيديو بثته عبر حسابها الرسمي بموقع التواصل الاجتماعي “إنستجرام”.
وقالت وفاء خلال الفيديو: “هي ما رقصتش في الفصل وما أذتش حد”.
وتابعت: “السيدة آية يوسف، كانت تتنزه في رحلة ومن الطبيعي أن تتصرف بعفوية، مش من المفترض إنها تفضل ماسكة القلم وبتكتب طول الوقت”.
وأضافت: “في أمريكا العامل يخرج للسهر عقب انتهاء فترة عمله”، مضيفة: ” كل إنسان حر مالم يضر أحد”.
بدرية طلبة
جاءت الفنانة بدرية طلبة ضمن قائمة نجوم دعموا معلمة المنصورة، وذلك من خلال منشور أرفقته عبر حسابها الشخصي بموقع التواصل الاجتماعي “فيسبوك”.
وكتبت بدرية في المنشور: “الناس اللي كبرو موضوع المُدرسة وكانو سبب في خراب بيتها منكم لله دانتو لو كنتو ظبطوها في بيت دعارة مكنتوش عملتو كل اللي انتو عملتوه دا هى اجرمت في ايه؟؟”.
وأضافت: “علشان طلعت رحله مع زمايلها وفكت عن نفسها ورقصت وضحكت وهزرت ؟؟؟ طب كويس والله!! متنسوش بقى تحطو قانون ممنوع اى مُدرسة تفرح او ترقص في فرح بنتها او ابنها عيب ياجماعه دى مُدرسة بردو واي مُدرسة نفسها تعيش يوم حلو تدارى وتستخبي علشان ميتعملش معاها الجلاشه !!!”.
واستطرد بدرية طلبة: “وأحنا ماشاء الله عندنا شويه ناس الاخلاق بتخر منهم!!!! دمرتوها الله يبتليكم باللي متقدروش عليه”.
هيدي كرم
أعلنت الفنانة هيدي كرم تضامنها مع معلمة المنصورة، عبر حسابها الرسمي بموقع التواصل الاجتماعي “إنستجرام”، لتنضم إلى قائمة نجوم دعموا معلمة المنصورة.
وأعربت هيدي خلال الفيديو عن استيائها الشديد من رد فعل الجمهور على فيديو المعلمة، حيث قالت: “بقالنا يومين في قصة عجيبة غريبة من نوعها وكلنا بنتفرج عليها وساكتين، مش بنعمل أي رد فعل، معلمة المنصورة الست دي كانت في رحلة نيلية مع زملائها اللي بقالها سنين معاهم يمكن تعرف زوجاتهم وعيالهم كمان، الست سمعت شوية مزيكا واتمايلت شوية على المزيكا دمرتوها ضيعتوا مستقبلها”.
ولم تستطع هيدي في تمالك نفسها، وفقدت السيطرة على دموعها، مسترسلة في الحديث: “ليه نعمل كل ده فيها، كلنا ممكن نتحط في نفس الموقف ده ومحدش بيسمي على حد، حتى الصحافة بتوصفها، غلط، ومحدش فكر في الستر، بتركنوه على جنب لما يبقى فيها تقطيع لحم الناس ونميمة”.
وأضافت: “أنا معرفش اسمك بس بدعمك، أرجوكي كوني قوية، متخليش حاجة تكسرك، أنتي ست محترمة، ومحدش له حاجة عندك، عملتي حاجة قدام الناس وسط نور ربنا، أزمة وهتعدي”.