روت الفنانة مي كساب قصة حبها لـ محمد الشهير بـ أوكا، وكيف تقدم لها بالرغم من فرق السن الكبير الذي بينهما، وكانت متوقعة أن والدها لم يوافق عليه.
مي كساب عن زوجها أوكا
وكشفت خلال حوارها مع الإعلامية لميس الحديدي ببرنامج “كلمة اخيرة” الذي يعرض عبر قناة on الفضائية من السبت إلى الثلاثاء في تمام الساعة 9:30 قائلة: ” محمد هو أب جميل ولطيف وحنين اوي ولما بيحب يزعق يناديلي عشان ازعق انا واللي هو انا ام اربعة واربعين الوحشة”.
وتابعت قائلة: “جوزي كان خايف من تقديمي ليه لوالدي وانا قولتله انا لو قدمتك ليه صغير هيفضل شايفك صغير انما انا هقدمك ليه بالعين اللي شايفاك بيها وانك حاجة كبيرة جدا انا شايفاها هشوفك كدة”.
مي كساب توضح سبب اختيارها لـ أوكا
وأوضحت ان شخصيتهما مختلفة تماماً عن بعضهما قائلة: “احنا شخصياتنا مختلفة تماماً عن بعض بس حبيته عشان هذا السبب وهو شخص كريتيف جدا وافكاره حاضرة زي مكي بظبط”.
وأضافت قائلة: “انا مع رأي حلمي بكر ان فعلا مفيش حاجة اسمها مهرجان وعندنا في الموسيقى مفيش حاجة اسمها مهرجان خالص ديه أغاني رابر ونوع موسيقى”.
مي كساب عن نجاح حكاية “عقبال عوضك”: “تخطى كل توقعاتي”
وأشارت قائلة: “رد الفعل تخطت كل توقعاتي بصراحة وكنت فرحانة اوي وردود الافعال فاجئتني يمكن انا في بدايتي مكنتش بشوف ده غير لما انزل الشارع بس السوشيال ميديا بقى يوصل ردت الفعل بسرعة جدا”.
وأوضحت المدرسة الخاصة بيها التي تشتغل بيها قائلة: “هو انا كمي هي ديه مدرسة التمثيل اللي بحبها وانا من الممثلين اللي مش بتحب تحط ميكاب خاص سواء كانسانة او فنانة والميكاب بيأثر على شخصيتك اصلا يعني مش بيبقى في مصدقية زي لما يكون وشي طبيعي وعلى طول اتخانق معاهم في التصوير وافضل امسح في وشي”.