أكدت الفنانة القديرة ميمي جمال، مشاركتها في حكاية مش مبسوطه، من مسلسل “زي القمر”، للمخرجة شيرين عادل، ومن بطولة بشرى، والفنانة داليا مصطفى، والذي من المقرر عرضها خلال الفترة المقبلة.
وذكرت ميمي جمال في تصريح خاص لـ “أوان مصر” أنها تعاقدت على العمل بالفعل، وجاري تصوير مشاهدها خلال الفترة الحالية، وستقدم شخصية مختلفة عن باقي شخصيات أعمالها السابقة، متمنيه أن تنال إعجاب الجمهور.
ميمي جمال تشارك في حكاية مش مبسوطه من مسلسل زي القمر
وكان موقع “أوان مصر” أول من أعلن عن تعاقد ميمي جمال على المشاركة في حكاية مش مبسوطه بجانب الفنانة بشرى وداليا مصطفى، والفنان أحمد سعيد عبد الغني.
من جانبه كانت قد كشفت الفنانة ميمي جمال عن اشتياقها الشديد للعودة لتمثيل مرة اخرى ولكن لم تجد الراحة في الاعمال التي عرضت عليها وكان اخرهم مسلسل اعتذرت بسبب طريقة تعامل المنتج معها.
ميمي جمال تطالب بالعودة للتمثيل بـ شروط.. تعرف عليهم
وصرحت خلال حوارها مع الإعلامية إسعاد يونس ببرنامج صاحبة السعادة الذي يعرض يومي الاثنين والثلاثاء في تمام الساعة 11 مساء عبر قناة دي ام سي الفضائية قائلة: “انا جاية ومش ج وفكرت ان ارجع بس كل ام ليها رسالة في الدنيا وانا في وسط بناتي بلاقي نفسي واحدة تانية والاحفاد بقى حياة تانية خالص”.
وتابعت قائلة: “ولاقيت نفسي محتاجة اقعد مع صحابي بقى وزمايلي وناس تانية، ولما لميس كلمتني قالتلي انزلي نزلت وجربت الكاميرا ولاقيت نفسي مكاني على الكرسي ده مش نايمة على الكنبة في البيت واخر تعامل كان مع احمد حلمي في فيلم لف ودوران بجد هو شخصية محترمة ومتحسيش وانتي معاه في عمل انه نجم”.
ميمي جمال تقارن بين الفن زمان وحاليًا
وأوضحت ميمي جمال أن الان هناك اختلف عن زمان قائلة: “دلوقتي الوضع اختلف وجربت ان اشتغل وبعتولي مسلسل قريته وقعدت مع المخرج والمنتج ومش هذكر اسمائهم وكان كل حاجة تمام تمام واتكلمنا بس هنعمل ايه في ظروف الحياة.. المنتج ده انا اشتغلت معاه قبل كده في مسلسلين واجري كان اعلى من اجري في العمل ده ورفضت”.
وقارنت بين الأعمال في الماضي وحالياً قائلة: “زمان كنتي بتدلعي واللي حضرتك عايزاة يا استاذة وتدخلي تلاقي اوضك متجهزة والتلبيسة بتاعتك موجودة ولما بتكوني مرتاحة بيبقى الوضع مختلف عن ما تكوني مضغوطة فاعتذرت”.
وأشارت قائلة: “دلوقتي بقى فكرت ارجع بس بشوف ولادي وبناتي انا لما ببعد عنهم وبروح الساحل بضايق، ولو انا لاقيتني مستريحة والانتاج مريحني ومش بس من ناحية الفلوس بس طريقة التعامل لو ارتحتلها هرجع معنديش مانع خالص ارجع بس اكون مستريحة”.