نشرت الفنانة ميرهان حسين مجموعة صور عبر حسابها الخاص بموقع التواصل الاجتماعي لتبادل الصور والفيديوهات «انستجرام».
وجاء مضمون الصور محادثة بينها وبين خالها، الذي فقدته منذ أيام قليلة.
وكتبت على حسابها الخاص: «شغلانتنا فعلا صعبة و الالتزام فيها مافيهوش رجعة صعب عليا اوي اشتغل و انا قلبي مكسور و الحزن مالي روحي بس وانا بتفق و التزم بكلمتي ماكنتش اعرف اني هافقد واحد من اعز وا الناس في حياتي الله يرحمك يا خالو و يصبر : مراتك وولادك اللي انا كنت واحدة منهم ويقدرني أوفي بالتزامي بشغلي ويقويني».
ومن جانبه قد نشرت الفنانة ميرهان حسين صورة لها برفقة خالها على حسابها الخاص، عبر موقع التواصل الاجتماعي لتبادل الصور والفيديوهات «انستجرام».
وكتبت على الصورة: «ارجوكم والنبي ادعوا لخالي و حبيبي ومن اقرب الناس لقلبي حالته صعبة جدًا لكن الدعاء يغير القدر و النبي ادعوله اسمه عادل حلمي ادعوله لعلها ساعة استجابة».
تعليق ميرهان حسين على منتقدي صور النجوم في العمرة
من جانبها، نشرت الفنانة
ميرهان حسين، صورتين لها أثناء تأدية مناسك العمرة، عبر حسابها الرسمي بموقع التواصل الاجتماعي “إنستجرام”.
وأعربت ميرهان عن استيائها من منتقدي صور النجمات أثناء العمرة، ومن تعليقاتهم السلبية على الصور، حيث كتبت: “مع ان الصورة دي من احب صوري لقلبي .. اترددت انزلها.. أولًا خفت ان دا يأثر على ثواب حاجة بيني وبين رب العالمين ثانيًا عارفة ان في ناس سطحية كتييير هايكتبوا كومنتات كلها ايه يا طاهرة ايه يا ست الشيخة و يعملوا فيها انهم مابيغلطوش ابدا و جايين يحكموا على ناس زيهم احكام هبلة و خلاص، و هما مايعرفوش اللي بينك و بين ربنا ولا عمرهم هايعرفوه”.
وأضافت: “بس قولت لأ مش هامشي ورا الفكر دا و هانزل صورتي اللي بحبها عشان فيها ذكرى وجودي في اطهر بقاع الأرض و انا ضيفة في بيت الله الحرام و بحتفل فيها بنعمة من اكبر النعم هي نعمة إن ليا رب عظيم اسمه الكريم اللي ممكن اطلب منه اي شئ ومفيش حاجة كبيرة عليه إنما أمره إذا اراد شيئا ان يقول له كن فايكون”.
وأردفت ميرهان حسين: “نعمة وجود ربنا فحياتنا اكبر من كل النعم انا حقيقي معرفش ازاي في ناس بتلحد و تنكر وجود ربنا و العياذ بالله وفي منهم اصحاب ليا و ناس بقابلهم و مع حبي ليهم بس بقولهم فايتكو اعظم حاجة في الوجود ان يبقا ليك رب قادر على تحقيق كل اللي يتمناه قلبك و يسرح فيه خيالك رب اكبر من كل كبير هو الأمان في الدنيا دي و كل من عليها فان”.