ردت الفنانة مها أحمد على هجوم الناقد الفني هاني عزب لها بعد ما تناوله عبر صفحته الخاصة على موقع التواصل الإجتماعي فيسبوك ، و ذلك بعد تناوله صور و فيديوهات خاصة بها و هي ترقص مع إبنها .
و قالت الفنانة مها أحمد لـ أوان مصر رداً على الناقد هاني عزب “مالكش دعوة دي حياتي الشخصية” مؤكدة في الوقت نفسه أنها لا تدعي المرض أثناء عزاء الفنانة الراحلة دلال عبد العزيز موضحة أن علاقتها مع الفنانة الراحلة كانت أسمى من كل هذه الأحاديث و أنها كانت على تواصل معي قبل أن تصاب بالمرض ” كانت بتسأل عليا على طول و على ولادي و على أسرتي الله يرحمها.. كانت أم حنونة و أخت لينا كلنا ” .
و أضافت الفنانة مها أحمد لـ أوان مصر رداً على التساؤلات حول إغلاقها التعليقات عبر صفحتها التواصل الإجتماعي :” انا سألت الولاد اللي عندي اللي ماسكين السوشيال ميديا أحنا قفلنا التعليقات شوية لما لقينا فيه ناس داخله بألفاظ خارجه.. مجرد ما أنا كتبت كلمة “تنمر” لقينا” بلاعة صراصير الكترونية” فتحت على الاكاونت.. أنا عندي ناس محترمة و بتحبني و عشان كده كان لازم نقفلها لدقايق ، و لكن أهلا وسهلا بجمهورنا المحترم اللي بيحبنا..”
و ردت الفنانة مها أحمد على الناقد الفني هاني عزب قائلة : حاولت أعاقبهم فأحرجوني بردهم عموما انا سيبالهم مفتاح الاكاونت تحت الدواسة اعتذروا ف هما قالولي نعتذرلك احنا مش عايزين (صراصير الكترونية) عشان انتي جمهورك محترم الاكاونت عندنا الحمدلله مفتوح احنا مبنخافش من حد “.
بالنسبة اني كنت عيانة و خفيت انت مكلمتنيش تطمن عليا كنت عرفت اني خفيت والله و انه ولادي ليهم عليا حق
و أضافت مها أحمد : أنت بتقول الحكم للجمهور يا ترى مين هياخد الجايزة ، أنت شغلتك ناقد فني ولا انت بتنتقد حياتي الشخصية (احنا عاملين محشي و بط انهارده) تيجي تتغدا معانا ، و لو انت ناقد فني بجد دور في دفاتري القديمة لأن انا اليومين دول جالي شغل و ملقتش نفسي فيه دعواتك عشان اديك فرصتك تشتغل شغلتك و ( ميرسي أوي على الاهتمام ) .