تصدرت الفنانة زيزي عادل مؤشرات البحث جوجل في الآونة الأخيرة، بعد إعلان أعتزالها الغناء بشكل نهائي في فيديو لها عبر حسابها الشخصي بموقع التواصل الاجتماعي لتبادل الصور والفيديوهات القصيرة “انستجرام”.
وقالت زيزي عادل: أنا النهاردة طالعة أقول خبر مهم أخدته في حياتى وهو قرار اعتزالى”.
وأضافت: “قررت أسيب مهنة المطربة والقرار أنا مخدتهوش امبارح أنا وخداه من فترة كبيرة جدا، بس يمكن مطلعتش قلت وقتها لأنى كنت حابة أتكلم مع نفسى ومع الناس القريبة أوى”.
اعتزال زيزي عادل
وتابعت: “الناس القريبة منى عارفين نفسهم ولما قلتلهم على القرار شجعونى ودعمونى كمان، ويمكن قرار الاعتزال ده بيبعدنى عن أكتر مغريات الحياة وهى الشهرة والأضواء”.
واردفت “أنا ببعد عن الفن عشان بقرب من ربنا، والفترة اللى فاتت قربت من ربنا جدا، ولقيت ان القرآن بيقولى إنى لازم أكون ست ملتزمة، وبحاول على قد ما بقدر أكون ملتزمة وهتستغربوا شوية انى طالعة بشعرى ومش محجبة، ويمكن ده لأنى لسه ربنا لم ينعم عليا بالحجاب، وبدعى ربنا يتممها عليا، وكل حاجة بتيجى خطوة خطوة ومفيش حاجة بتيجى مرة واحدة”.
اعتزال زيزي عادل
وواصلت :”أنا عاوزة أقول كمان الفن هو مصدر دخلى ورزقى، وأنا بسيب حاجة بعيش منها وسيبتها وعارفة إن ربنا هيرزقنى، وأنا راضية جدا عن قرارى ومبسوطة جدا بيه وحابة اللى جاى جدا وحاسة إن حياتى اختلفت تماما”.
وأضافت: “يمكن لما أخدت القرار تعرضت لمواقف واللى تسمى اختبار من ربنا وكان اختبار صعب والإنسان ضعيف، لأن جالى عرض مجاليش وأنا بمارس مهنة الغناء، ولكن الحمد لله ربنا كرمنا وقدرت ارفض من دعم من ناس حواليا”.
اعتزال زيزي عادل
وتابعت: “أنا مش عاوزة أدخل في حتة إن الفن حلال والفن حرام، عشان مبقاش طالعة إنى داعية أنا طالعة بتكلم عن نفسى، وإنى بطلت أغنى ودينى بيقولى كده وكل واحد حر في حياته”.
واختتمت حديثها: “أنا حابة أموت وربنا راضى عنى ويمكن دى حاجة كلنا بنتمناها، فأنا مش عارفة هاموت امتى ولكن كل اللى عوزاه أكون مستعدة لمقابلة ربنا وأقابله وأنا راضية عن نفسى وحياتى وأفعالى، والحمد لله ربنا كرمنى والتزمت، وربنا يكرم التزم اكتر وادعولى ان ربنا يثبتنى على اللى انا فيه”.
وحصد لكم موقع “أوان مصر” في السطور التالية أبرز المعلومات عن الفنانة المعتزلة زيزي عادل.
معلومات عن زيزي عادل
-تعد زيزي عادل من مواليد 26 أكتوبر 1987.
-بدأت مسيرتها الفنية بالتعلم على آلتي البيانو أثناء دراستها بمعهد الموسيقى.
-اجتازات اختبارات برنامج المسابقات ستار أكاديمي الموسم الثاني بـ عام 2004.
-كان أولى ألبومتها “واحدة طيبة”، وأطلقتها في عام 2007 وكانت تابعة لشركة روتانا.
-جاء ألبومها التاني في عام 2009 تحت عنوان وعد عليا.
-كانت أغنية الرجالة التي أصدرتها في عيد الحب بعام 2019.