شهدت الساعات الماضية احاديث حول وفاة الفتاة ضحية استهتار كما اطلق في الشارع نجل رجل الاعمال الملياردير المعروف كامل أبو علي.
فيما تداولت الأوساط أخر الاخبار عن حادث مصرع الفتاة ماي اسكندر بعد ان صدمتها سيارة تمشي في الاتجاه المعاكس يقودها هيثم نجل رجل الاعمال الملياردير كامل أبو علي.
المهندسة ماي اسكندر جيد
ماي إسكندر جيد هي أحدى المهندسات المكافحات ، تعمل بالمشاريع الهندسية بالقرى السياحية ، شابة متفتحة ، تكافح لإثبات الذات وتحقيق النجاح المهني.
لقيت حتفها حين عودتها إلى القاهرة على الطريق حال اصطدام سيارة بها ، كانت تسير عكس الاتجاه ، يقودها حفيد رجل الاعمال كامل أبو علي .
هيثم كامل أبو علي
ونشر الإعلامي عبدالناصر زيدان عبر صفحته الرسمية على فيس بوك ، هجومًا شرسًا على المتهم بقتل المهندسة ، جاء به الآتي:
حكايه بنت جميله اسمها ماي اسكندر جايد
أحكيلكوا الحكاية يا جماعة:
هي بنت اهلها تعبوا فيها و بقت مهندسه بتفرش احلي بيوت في مصر .
ماي اسكندر جايد
راحت الغردقة يوم الجمعه ٢٢/١/٢٠٢١ عشان عندها شغل هناك و كانت راجعه يوم السبت..
بس مارجعتش.
كلنا لسه مش قادرين نفهم يعني ايه مارجعتش و هنقعد كتير اوي مستنينها ترجع
مارجعتش عشان كان في نفس الوقت واحد اسمه هيثم كريم كامل ابو علي اقل ما يقال عنه انه مستهتر كان سايق بسرعه جنونيه و ماشي عكس الاتجاه في الطريق بين سهل حشيش و الجونه و بيقولوا عمل حادث تصادم في سياره اوبر اللي كانت راكباها ماي، قتلها و قتلنا كلنا من وجعنا عليها و علي حقها .
وتساءل زيدان «عملت ايه شابه مهندسه ناجحه رايحه تاكل عيش انها ماترجعش ؟.. ازاي مش هترجع لحضن اهلها و اصحابها اللي مستنينها ، ترجع عشان تكمل شغلها، ترجع عشان تعيش حياتها و تتمتع بشبابها».
واستنكر زيدان فعل حفيد رجل الأعمال بالآتي «عشان هيثم كان مستعجل ولا كان تحت تاثير كحول او مخدرات زي ما اتكتب في المحضر بس يا رب يفضل مكتوب».
وأشار زيدان في منشوره « اصل اهله ممكن يعملوا المستحيل عشان مايتحبسش، عشان يعيش حياته و يتمتع بشبابه و يفضل يعمل حوادث و يعور و يموت ناس و يدفعوا شويه فلوس ، مش مشكله دي ابسط حاجه عندهم».
وتابع زيدان منشوره «انت و اللي زيك لازم تعرفوا ان فلوسكوا مش هتحميكوا مهما حميتكوا زمان ، التهديدات و المحسوبيات مش هتنفع المره دي ، عشان ربنا حق و عدل و ماي ليها حق و كان ليها حياه و مستقبل و انت ضيعتهم ، يمكن هي مشيت عشان تعلمنا المسئوليه شويه».
وأكمل زيدان ، «حبيبتي كانت دائما تقولنا خلوا بالكوا متسوقوش بسرعه، معقول هي اللي تروح هدر كده في حادثه عربيه ، ربنا يرحمك يا ماي و يصبرنا و يقدرنا نجيبلك حقك المره دي».
واختتم زيدان “عشان انتي واحده من الناس اللي ماينفعش حقها يروح”.
موضوعات متعلقة
- عن حادث سهل حشيش.. نجل الملياردير كامل أبو علي صدم الفتاة وهو مخمور ويمشي عكس الاتجاه
- عبد الناصر زيدان لـ نجل الملياردير كامل أبو علي: «الفلوس مش هتحميك»
- من هي الفتاة ضحية استهتار نجل رجل الاعمال كامل أبو علي؟
- من هو رجل الأعمال الملياردير كامل أبو علي؟
- تفاصيل جديدة في دهس حفيد كامل أبو علي لمهندسة ديكور.. المتهم يرفض الطعام وينهار داخل الحجز .. والنيابة تستمع لأقوال 10 شهود والمتهم ينكر الاتهامات.. ومساومة لإنهاء القضية ودفع تعويض بملايين الجنيهات لأسرة ماى اسكندر.. ومدير الأمن ينجح في أول اختبار: القانون فوق الجميع
- تجديد حبس نجل الملياردير كامل أبو علي لتسببه في مصرع مهندسة ديكور
- كامل أبو علي.. الملياردير ورجل الأعمال والد المتهم بقتل مهندسة ديكور «من هو»؟