شاركت الفنانة بدرية طلبة جمهورها ومتابعيها صورة جديدة لها عبر خاصية استوري بحسابها الرسمي على موقع التواصل الاجتماعي “فيسبوك”.
وظهرت طلبة في الصورة من أحد شوادر بيع الأسماك، وأمسكت بيديها كابوريا، وعلقت: “من بحري وبنحبوه”.
شقيق بدرية طلبة يتصدر تريند بعد شائعة موته
وقد تصدر شقيق بدرية طلبة تريند عبر مواقع التواصل الاجتماعي المختلفة وذلك بسبب انتشار شائعات حول وفاته وكانت هذة الشائعات من قبل شقيقته ونفى هذة الأخبار عبر صفحته الرسمية بموقع التواصل الاجتماعي “فيس بوك”.
وعلق قائلاً: “يا جماعة الفنانة بدريه اللى كانت المفروض اختى منزلة نعى عنى انى اتوفيت والمفروض اللى ف النص دى كانت بنتى وعشان رفضت اروح كتب كتابها النهاردة طلعو عليا إشاعة الموت بجد حسبى الله ونعم الوكيل فيكم”.
وتابع قائلاً: “انتو كلكم ميتين بالنسبالى من سنتين لما سبتو البيت ونزلتو الساعة ٢ بالليل جاين دلوقتى تحتاجولى ف كتب الكتاب انا يا جماعة ماليش عيال وعيال مين اللى يعلقو ع إشاعة ع ابوهم انه مات والله يرحمه وانا ع وش الدنيا عيال مين اللى أروحلهم تانى انا خلاص ماليش ولا عيال ولا أهل وأخوات”.
ووجه رسالة لـ الفنانة قائلاً: “وانتى ي فنانة بدريه ميته بالنسبالى من زمان وانشاء الله اللى قولتيه عليا بالكدب هيتقال ع جوزك يوم فرح بنتك بالصدق انشاء الله”.
وأشار قائلاً: “وانتظروا منى احلى مفاجآت ليكم ياللى المفروض كلكم اخواتى ومن بطن واحدة انتظروا منى احلى مفاجآت للكل وانتو اللى بداتو الحرب معايا”.
وطالب من متابعيه ان هذا البوست ينتشر عبر مواقع التواصل الاجتماعي قائلاً: “بالله عليكم يا جماعة انا عاوز البوست ده يتشير كتير عشان اثبت كذب الفنانة وانا هطلع لايف كمان شويه بصوتى عشان تتاكدو انى مش بكدب وهطلع معايا مفاجآت هتعجبكم اوى”.