أيام قليلة وتفصلنا عن شهر رمضان الكريم، وتبحث ربات المنازل عن منيو عزايم رمضان 2022 بأقل الأسعار، لقضاء وقت ممتع مع العائلة والأصدقاء مع الفطار معًا يوم من أيان شهر رمضان الكريم المبارك.
إلا أن المشكلة الوحيدة التي ممكن أن تقابل العديد منا في رمضان هو كيفية عمل منيو عزايم رمضان 2022 بأقل الأسعار مع الحفاظ بقدر الإمكان على الميزانية.
لذا تبحث العديد من ربات البيوت على منيو عزايم رمضان 2022 بأقل الأسعار، لمساعدتها على فعل أكثر من عزومة في الشهر الكريم.
ويقدم لكٍ موقع «أوان مصر» الإخباري منيو عزومة رمضان بأقل الأسعار، وستجدي متوسط أسعار المكونات الأساسية التي لا تخلو منها عزومتك، للحفاظ قدر المستطاع على ميزانية البيت.
منيو عزايم رمضان 2022 بأقل الأسعار
مشتريات عزومة رمضان 2022
2 كيلو وراك الدجاج أو الدبابيس حوالي (60-70 جنيه)
1/2 كيلو فراخ بانيه (30-35 جنيه)
1 كيلو لحمة كندوز (من 150-160 جنيه للكيلو)
1/2 كيلو لحمة مفرومة (من 60-75 جنيه)
1 كيلو رز (12 جنيه)
توابل وبهارات (10 جنيه)
خضار (100 جنيه)
1/2 كيلو كنافة (10 جنيه)
1/4 كيلو فول سوداني مقشر (11 جنيه)
1 كيلو سكر (12 جنيه)
1/4 كيلو كركديه (6 جنيه)
1 لتر لبن (15 جنيه)
1/2 كيلو جبنة موتزاريلا (22 جنيه)
1/4 ك زبيب (13 جنيه)
2 كيس مكرونة (12-16 جنيه)
كيس لسان عصفور (6 جنيه)
برطمان صلصة (8 جنيه)
متوسط تكلفة العزومة: (450-500 جنيه)
منيو أصناف وأكلات العزومة
شوربة لسان عصفور.
جلاش بالجبنة والخضار.
صينية مكرونة نجرسكو.
كفتة داوود باشا.
صينية دبابيس فراخ بالبطاطس.
2 طاجن تورلي باللحمة.
رز بالقرفة والزبيب.
فراخ بانيه (للأطفال) ويمكنك تقديمها مع البطاطس المحمرة الشهية مع صوص الكاتشب.
سلطة خضراء.
كركدية ساقع.
الحلو في منيو عزومة رمضان بأقل الأسعار
صينية كنافة بالفول السوداني والقرفة
تفاصيل تحضيرات عزومة رمضان
صينية دبابيس فراخ بالبطاطس
صنف تقليدي في جميع العزومات أو بوفيه الأفراح، ويمكنك فعلها في حفل عيد ميلاد لكن شكلها من ضمن قائمة منيو عزومة رمضان بأقل الأسعار التقليدية، هيكون قيّم وكمان محبوب وسهل في تحضيره. هتستخدمي 1 كيلو وراك أو دبابيس الفراخ لعمل صينية فراخ بالبطاطس مع شرايح فلفل أخضر وبصل وطماطم. الصينية دي هيكون فيها 8 قطع من الفراخ ولو استخدمتي دبابيس الفراخ فقط هيكون في حوالي 10 قطع من الفراخ.
صينية مكرونة نجرسكو:
عليك الاستغلال الكيلو المتبقي من وراك أو دبابيس الفراخ في إنك تسلقيها وتحضري منها شوربة لعمل شوربة لسان العصفور وملوخية كمان لو حبيتي، وهتفصصي لحم الفراخ لعمل حشوة النجرسكو مع الفلفل الأخضر والبصل والتوم والزيتون لو حبيتي، وطبعًا أكلات البشاميل من الأكلات المحبوبة جدًا في العزومات
طاجن تورلي بمكعبات اللحمة:
الخضار المطبوخ مع اللحمة أيًا كان نوعه محبوب جدًا زيه زي كل الأكلات المصرية التقليدية في العزومات، عشان توفري هتحضري 2 طاجن وفي كل طاجن 1/2 كيلو من اللحمة وقطع مكعبات صغيرة، كيلو اللحمة ممكن يتقطع لحد 12 قطعة صغيرة.
كفتة داوود باشا:
بيحبوها الصغيرين والكبار و1/2 كيلو من اللحمة المفرومة مع إضافة البصل المفروم والكزبرة الخضراء وشوية من البقسماط الناعم هتخلي النص كيلو يعمل معاكي كمية كبيرة جدًا وخصوصًا لو صغرتي حجم الكرات.
الجلاش بالجبنة والخضار:
حشوة الجبنة مع الخضار بتكون لذيذة جدًا واقتصادية عن حشوة اللحمة المفرومة وكمان خفيفة ولذيذة، استخدمي الجبن المتوفرة عندك مش شرط الموتزاريلا وضيفي معاها فلفل وزيتون وأي خضراوات وبهارت تحبيها.
السمبوسك من الأطباق الأساسية في رمضان، لذا احرصى دومًا على تفريزها طوال الشهر لتسهيل المهمة عليكٍ.
الكنافة:
الفول السوداني المطحون مع القرفة وشوية سكر ومعلقة سمنة هيعملوا حشوة روعة للكنافة وطعم خطير وكمان اقتصادية جدًا.
الفراخ البانيه:
صنف مهم جدًا في أي عزومة رمضانية خصوصًا للأطفال، احيانًا الأطفال لم يفضلو طعام أي شيء في العزومة، قطعي الصدور قطع رفيعة نسبيًا عشان يكون عدد القطع أكتر وتوزع أكتر، 1/2 كيلو ممكن يعمل 10 قطع، وكمان تقدري توفري أكتر وتعمليها شرايح زي الستربس.