تحدثت الفنانة منى زكي عن قانون الوصاية، وذلك بعد أن حقق مسلسلها نجاحًا كبيرًا بمسلسل تحت الوصاية، والذي تم عرضه في السباق الرمضاني 2023 .
وقالت مني زكي خلال مداخلة هاتفية لها في برنامج هي وبس التي تقدمه الإعلامية رضوى الشربيني والذي يتم عرضه عبر شاشة قناة سي بي سي: احنا كلنا بنقابل سيدات عندهم حد أتوفى في حياتنا وبنشوف الحالات دي قدامي وشيرين وخالد لما عرضوا عليا الموضوع أنا كنت خايفة ومفيش اي حاجة مضمونة بس كنت بفكر في الشخصيات وبني أدمين وشافوا المأسة دي واتأثروا هما واطفالهم ازاي .
وتابعت منى زكى: مش بس فكرة أن المرأة غير مؤهلة تراعي ولادها اللي هي اكتر حد قريب منهم لكن المأساة الأكبر للطفل اللي افتقد اب وكان السند الوحيد ليه كل الرظوف اللي حواليه والقانوان انه مش أهل لده.
وكشفت منى زكي: مكنتش متخيلة أن المسلسل يحرك القانون وبتمنى حاجات كتير تخص الستات وأطفالنا تتغير.
وأشارت: فيه ستات كتيرة ظروفهم مش أحسن حاجة وبيربوا ولاد زى الفل ومشرفين وبنفتخر بيهم، فالأم حاجة كبيرة لازم نبصلها مش حد أنها غير قادر مهما كان ظروفه فما بالك بالنظرة العامة بأنها غير قادرة وخلاص.
واختتمت منى زكي حديثها قائلة: بتمنى أي حد بيمر بالظروف دي أنها تتغير للأحسن ومش فاهمة إيه القانون غريب وغير مفهوم والناس كتير مكنتش مدركة اللي بيحصل في القانون .
مسلسل تحت الوصاية
عُرض مسلسل تحت الوصاية في السباق الرمضاني 2023، وحقق نجاحًا كبيرًا ومشاهدات كبيرة، وكان يتكون المسلسل من 15 حلقة، وشارك في بطولة المسلسل عدد كبير من نجوم الفن أبرزهم منى زكي، ودياب، ورشدي الشامي، وأحمد خالد صالح، ومها نصار، وخالد كمال، وعمر شريف.