تحدثت الفنانة منى زكي عن تفاصيل استعانتها بـ مدرب تمثيل في أعمالها الفنية، موضحة أنها لا تشعر بحرج عندما تعلن ذلك الأمر، كما أنها تستعين بـ زوجها الفنان أحمد حلمي في الأدوار الكوميدية .
وقالت منى زكي خلال لقائها في برنامج Sold Out: بعد ما بقرأ الدور بيبقى معايا مدرب تمثيل، بيساعد على تمرين الممثل عموما واستخدام الأدوات واستحضار الإحساس وعيش لحظة حقيقية والارتجال، كل ما بيبقى عندي دور بروح لمدرب تمثيل، وبغير المدربين مع كل دور، لأني بحس إني محتاجة تكنيك حد مختلف يعلمهولي.
وسألها الإعلامي محمود سعد: مفيش حرج لما تقولي؟ لتجيبه منى زكي: لا خالص.
وأضافت منى زكي: أنا بعمل معايشة وبفتح عيني، ومن خلال كلام مدرب التمثيل بتصور الشخصية من وهي طفلة لحد ما بنشوفها في المسلسل وبتعايش مع نفسي.
وأكدت منى زكي أنها تستعين بـ زوجها الفنان أحمد حلمي في الأدوار اللايت كوميدي التي تعرض عليها، مثلما حدث معها في فيلم من 30 سنة، قائلًة: فجأة وأنا في البيت قولت لأحمد عايزة للدور ده شعر حلمنتيشي بتاع الناس اللي فاكرين نفسهم شعراء أوي وهما مفيش موهبة خالص، وكلمت أيمن بهجت قمر وقولتله عايزة شعر بعنوان (ماعونتش) وابتدى يكتب الشعر ده، ساعات لما بيبقى فيه حاجة لايت بستشير أحمد.