كانت الفنانة منة فضالي ضيفة برنامج حكايتي الذي يتم عرضه عبر شاشة موقع الفيديوهات العالمي يوتيوب، والتي كشفت من خلاله على أسرار عن حياتها الشخصية .
تحدثت منة فضالي عن تعرضها لـ العنف الزوجي، موضحة أنها لم تتعرض له بالمعنى الحرفي ولكن اعتدى عليها زوجها بالضرب مرة واحدة، مشيرة: زمان مرة جوزي مد ايده عليا ويمكن دي كانت صدمة انفصالي، الموقف ده لو اتكرر دلوقتي كان هياخد القلم ده 3 أو 4.
وعن إمكانية أن تكون زوجة ثانية، قالت منة فضالي: مينفعش أبقى زوجة تانية أبدا، معنديش حاجة تنقصني عشان أبقى زوجة تانية ومستحيل أتجوز واحد على مراته، ممكن أتجوز واحد مطلق او مراته متوفية غير كدة لا.
وأضافت: الستات معندهاش ثقة في نفسها وده مش حول والمفرض أي ست حتة لو هي شايفة إنها مش حلوة لازم يبقى عندها ثقة في نفسها لأن اكيد ربنا مديها حاجة زيادة عن غيرها.
وكشفت منة فضالي عن شدة حبها للكلاب، حيث قالت: الكلاب أحسن من لبني أدمين في المعالمة وبيحبوني بجد من غير مقابل مش عايزين مني حاجة، بيخافوا عليا وبيحسوا بيا، الكلب وفي جدا وملقتش بني أدم وفي.