حرصت الفنانة منال سلامة على تقديم الدعم للنجم شريف دسوقي و ذلك بعد أن بترت قدمه يوم أمس إثر مضاعفات اصابته بـ خراج في القدم داخل كواليس فيلم “وقفة رجالة” ، من خلال نشر صورته على حسابها بموقع فيسبوك .
وعلقت عليها قائلة:” أنا معرفش الاستاذ شريف شخصياً.. اول مرة اشوفه كان في فيلم ليل خارجي في مهرجان القاهرة السينمائي فرحت بيه قوي وتوقعت انه ياخد جايزه وفعلا أخد الجايزه وفرحتله اكتر وبدأ مشواره الفني في المسرح من زمان لكن جاتله الشهرة متأخر”.
واستطردت:” زعلت عليه لما شوفتله حديث بيتكلم عن انهم اتهموه انه بيدعي المرض وبيتأخر علي التصوير لانه بيطالب بحقه حسيت انه مظلوم لانه للأسف هي دي مهنتنا اسهل حاجة انهم يتهموك في شغلك عشان تقعد في البيت كنوع من العقاب عايزين الناس بلا كرامة وللأسف مفيش قانون بيحمي الفنان صدقتوا دلوقتي انه مريض فعلًا ربنا يشفيك يا استاذ شريف ويقومك بالسلامه وترجع تمتعنا تاني بفنك الجميل لانك لك خصوصيه مشفنهاش من ايام الابيض واسود ادعوله بالشفاء”.
كشفت الفنانة بدرية طلبة، عن الحالة الصحية للفنان شريف دسوقي، بعد ان اجرى عملية جراحية، أدت إلى بتر قدمه.
وعلقت بدرية عبر صفحتها الرسمية بموقع التواصل الاجتماعي “فيس بوك” قائلة: “عن تجربة عيشتها مع بابا الله يرحمه صعب قوي بني آدم يفوق من البنج يلاقي جزء من جسمه مبتور وخصوصا رجليه ربنا يصبرك يا شريف ويقوي قلبك ويتم شفاء على خير”
موضوعات متعلقة :